Luká 1:17 - Hodáay Pákén Ketáb Balochi zobáná

¹⁷ Á, gón Elyás nabiay ruh o kodratá, cha Hodáwandá pésara kayt, tánke petáni delán chokkáni némagá betarrénit o namannókán ham pahrézkáráni hekmatay némagá chahr bedant, tánke pa Hodáwandá kawmé tayár bekant.”

Luká 1:17 Iomraidhean Croise

Zabur 10:17

Oo Hodáwand! Taw bazzagáni wáhagán gósha dáray, áyán delbaddhia dayay o habaránesh eshkonay.

Zabur 111:10

Hodáwanday tors dánáiay bendát ent. Hamá ke áiay rahbandáni randgiriá kanant, áyán sharrén zántkária rasit. Tán abad satá hamáiayg ent.

Zabur 78:8

Wati pet o pirénáni paymá mabant, sarkash o mánmayátk ke delesh gón Hodáyá nabast o arwáhesh gón Hodáyá wapádár naat.

Mattá 11:14

Agan shomá pa mannagá tayár ét, bezánét Yahyá hamá Elyás nabi ent ke áyagi at.

Mattá 14:4

Chéá ke Yahyáyá gón Hirudisá gwashtagat: “Hirudiáay wati lógi kanag Sharyatá pa taw rawá naent.”

Mattá 3:3

Yahyá hamá ent ke Eshayá nabi áiay bárawá gwashit: Gyábáná, kasé gwánka jant: Hodáwanday ráhá tayár o, áiay keshká rást o tachk bekanét.

Mattá 3:4

Yahyáyá cha oshteray pothán gwaptagén póshák gwará at o póstén kamarbandé lánká bastagat. Áiay ward o warák, madag o gyábáni bénag at.

Luká 1:16

Bázén Bani Esráiliáni delán dém pa Hodáwandá tarrénit, ke áyáni Hodá ent.

Luká 1:76

Taw, oo mani chokk! Borzén arshay Hodáay nabi zánaga bay, chéá ke taw cha Hodáwanday áyagá pésar, áiay ráh o keshká tachk o tayára kanay.

Yuhanná 1:13

Á, na cha hóná pédá butant o na cha jesmi wáhag o ensáni lóthán, á cha Hodáyá pédá butant.

Yuhanná 1:34

Man é chizz distag o gwáhia dayán ke á Hodáay Chokk ent.”

Yuhanná 3:28

Shomá wat sháhed ét, man gwasht ke man Masih naán, bale cha áiá pésar rawán dayag butagán.

Kásedáni Kár 10:33

Man hamá damáná pa tai lóthagá wati kásed ráh dátant, tai mennat sar o chammán ke taw átkay. Nun má sajjahén Hodáay diwáná hór neshtag o wadárig én tán Hodáwanday á sajjahén habarán beshkonén ke tará pa may gwashagá hokmi dátag.”

Pulosay kágad pa Rumián 9:23

Gorhá ché? Balkén áiá chosh kortag tán wati shán o shawkatá hamá mardomán pésh bedárit ke áiay rahmatay chérá ant, hamá mardom ke Hodáyá pésará pa shán o shawkatá tayár kortagant.

Pa Timutáusá Pulosay domi kágad 2:21

Agan kasé watá cha badkáriá dur bedárit o watá palgár bekant, pa hásén kárán darpé bit, pák o palgár kanaga bit, wati wáhonday dardá wárt o pa har sharrén kárá tayára bit.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.

Yuhannáay Awali Kágad 2:28

Nun, oo mani dordánagén chokkán! Áiay arwáh o jabiná bemánét tánke áiay záher bayagay wahdá, may del dhaddh bebit o áiay démá sharmendag mabén.

Elhám 20:4

Randá man taht dist o á ke tahtáni sará neshtagatant, áyán dádrasiay ehtiár dayag but. O man hamáyáni arwáh distant ke áyáni sar pa Issáay bárawá sháhedi dayag o Hodáay habaray sawabá borrag butagatant, hamáyáni ke rastar o áiay botesh sojdah nakortagat o wati péshánig yá dastay sará áiay neshánesh nazortagat. Á padá zendag butant o hazár sálá gón Masihá hokmrániesh kort.