Luká 1:13 - Hodáay Pákén Ketáb Balochi zobáná

¹³ Bale préshtagá gón áiá gwasht: “Oo Zakaryá! Mators. Tai dwá mannag but, tai jan Elizábet mardénchokkéay sará chellaga bit o báyad ent taw áiay námá Yahyá bekanay.

Luká 1:13 Iomraidhean Croise

Pédáesh 17:10

Mani ahd o paymán gón tai jendá o cha taw rand gón tai poshpadá esh ent o báyad ent shomá barjáhi bedárét: Shomay har mardén báyad ent borrok o sonnat kanag bebit.

Pédáesh 17:19

Hodáyá gwasht: “Enna, tai jan Sárah chokké kárit o taw báyad ent chokkay námá Esák bekanay. Man wati ahd o paymáná gón Esáká barjáha dárán o cha áiá rand, é pa áiay nasl o padréchá abadmánén ahd o paymáné bit.

Pédáesh 18:14

Choshén káré hast ke pa Hodáwandá grán bebit? Gisshetagén wahdá, démi sálá tai kerrá pera tarrán o Sárahá mardénchokké bit.”

Pédáesh 25:21

Esákay lógi santh o béawlád at o paméshká Esáká pa wati lógiá cha Hodáwandá dwá lóthet. Hodáwandá áiay dwá gósh dásht o Esákay lógi Rebekkáay láp porr but.

Zabur 113:9

Santh o béawládén janéná washdel o chokkáni máta kant o áiay lógá ábád. Hodáwandá benázénét, Halléluyá.

Zabur 118:21

Tai shográ gerán ke taw maná passaw dát, taw mani rakkénók ay.

Dányál 10:12

Padá mardá maná gwasht: “Mators, Dányál! Hamá awali róchá ke taw wati del pa sarpad bayag o wati Hodáay dargáhá békebr bayagá dátag, tai dwá gósh dárag butag o man tai habaráni sawabá átkagán.

Mattá 1:21

Á, mardénchokkéay sará chellaga bit o áiay námá Issá bekan, chéá ke á wati kawmá cha áyáni gonáhána rakkénit.”

Mattá 14:27

Bale Issáyá hamá damáná gón áyán gwasht: “Matorsét, é man án.”

Mattá 28:5

Préshtagá gón janénán gwasht: “Matorsét! Mana zánán shomá Issáay shóházá ét ke salib kasshag butag.

Markás 16:6

Warnáyá gwasht: “Matorsét, shomá Issá Náseriay shóházá ét ke salib kasshag butag. Á zendag butag, jáhi jatag o edá naent. Bechárét, é hamá jágah ent ke edá áiay jón ér at.

Luká 1:14

Á, pa taw shádehi o wasshia kárit o cha áiay butená bázéné ham shádána bit,

Luká 1:30

Préshtagá gwasht: “Oo Maryam! Mators, chéá ke Hodáay mehr o rahmat tai hamráh ent.

Luká 2:21

Hashtomi róchá, wahdé nonnokay sonnat kanagay wahd átk, áiay námesh Issá per bast, hamá nám ke mátay lápá kapagá pésar, préshtagá per kortagat.

Kásedáni Kár 10:31

gwashti: ‘Kornilius! Tai dwá o hayrát yátmánén sawgáté ke Hodáay bárgáhá yát kanaga bit.