Kásedáni Kár 9:14 - Hodáay Pákén Ketáb Balochi zobáná

¹⁴ Edá ham gón mazanén dini péshwáyáni ehtiárá átkag ke sajjahén hamá mardomán begipt o bandig bekant ke tai námá gerant.”

Kásedáni Kár 9:14 Iomraidhean Croise

Yuhanná 15:21

Pa mani námaygi gón shomá é dhawlá kanant, chéá ke mani dém dayóká nazánant.

Kásedáni Kár 22:16

Nun chéá mahtal ay? Pád á, Issáay námá beger, pákshódi bekan ke cha wati gonáh o mayárán pák o palgár bebay.’

Kásedáni Kár 7:59

Hamá wahdá ke Estipáná sengsár kanagá atant, Estipán dwá kanáná gwashagá at: “Oo Hodáwandén Issá! Pa mani nadrigén sáhay zuragá razámand bátay.”

Kásedáni Kár 9:21

Harkasá ke áiay habara eshkot, hayrána but o jostia gept: “É hamá mard naent ke Urshalimá Issáay nám gerókáni gár o gomsár kanagay randá at? Edá ham paméshká nayátkag ke Issáay mannógerán begipt o mazanén dini péshwáyáni kerrá bebárt?”

Pa Timutáusá Pulosay domi kágad 2:22

Watá cha warnáiay hawá o hawasán dur bedár o hamá mardom ke gón sápén delé Hodáwanday námá gerant, áyáni hamráhiá pahrézkári o imán o mehr o émeniá shóház bekan.