Kásedáni Kár 1:6 - Hodáay Pákén Ketáb Balochi zobáná

⁶ Wahdé morid Issáay kerrá mocch butant, cha áiá jostesh kort: “Oo Hodáwand! Bárén á wahd hamesh ent ke taw bádsháhiá padá pa Esráilá pera tarrénay?”

Kásedáni Kár 1:6 Iomraidhean Croise

Pédáesh 49:10

Bádsháhi asá cha Yahudáay dastá narawt o hákemiay dazlatth cha áiay pádáni démá dura nabit tán hamá wahdá ke asligén wáhonda kayt o kawm áiay parmánbardára bant.

Dányál 7:27

Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Mattá 17:11

Passawi dát: “Elyása kayt o sajjahén kárán gwam o géga kant.

Mattá 20:21

Issáyá cha áiá jost kort: “Begwash, ché lóthay?” Gwashti: “Wahdé tai bádsháhia kayt, labz kan ke mani doén chokkán gón wata nendárénay, yakkéá wati rástén o domiá chappén némagá.”

Mattá 24:3

Hamá wahdá ke Issá Zaytunay kóhay sará neshtagat, áiay morid pa halwat o ehwaté átkant o jostesh kort: “Begwash bárén, é prosht o prósh kadéna bit o tai bádsháhiay áyag o donyáay halásiay nesháni, ché ent?”

Markás 9:12

Issáyá passaw dát: “Sharyatay zánógeráni habar rást ent ke Masihay áyagá pésar, Elyás nabi padá kayt o sajjahén kárán gwam o géga kant. Bale ásmáni ketábán pa ché chosh átkag ke Ensánay Chokk báyad ent báz sakki o sóri besaggit o mardom áiá mamannant?

Luká 17:20

Yakk róché, lahtén Parisiá cha Issáyá jost kort: “Hodáay bádsháhi kadéna kayt?” Issáyá gwasht: “Hodáay bádsháhi chamzáherá gendaga nabit.

Luká 19:11

Hamá wahdá ke mardom Issáay habarán gósh dáragá atant, Issáyá gésh kanán mesálé áwort. Chéá ke á Urshalimay nazzikká rasetagat o mardománi gomán esh at ke Hodáay bádsháhi hamá wahdá paddara bit.

Luká 22:29

Hamá dhawlá ke Petá maná bádsháhi bakshetag, man ham áiá shomárá bakshán

Yuhanná 21:21

Wahdé Petrosay chamm pa á moridá kaptant, cha Issáyá josti kort: “Oo Hodáwand! Eshiay ásar o ákebat ché bit?”