Kásedáni Kár 1:3 - Hodáay Pákén Ketáb Balochi zobáná

³ Markay sakkiay saggagá rand, wati kásedáni démá záhera but o gón bázén gwáhián paddaria kort ke cha mordagáni nyámá zendag butag o jáhi jatag. Áiá, tán chell róchá watá kásedáni démá záhera kort o gón áyán Hodáay bádsháhiay bárawá habaria kort.

Kásedáni Kár 1:3 Iomraidhean Croise

Mattá 21:43

“Paméshká gón shomá gwashán ke Hodáay bádsháhi, cha shomá pach gerag o yakk kawméá dayaga bit ke áiay bar o samará kárit.

Mattá 28:9

Issá bé gat o gománá anágat wat gón á janénán dochár kapt o gwashti: “Salám o drót!” Á nazzikká átkant, Issáay pádesh geptant o parasteshesh kort.

Mattá 3:2

“Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Mattá 4:2

Chell shap o chell róch róchag dáragá rand Issá shodig but.

Markás 16:19

Anchosh ke Hodáwandén Issáyá gón áyán wati habar halás kortant, ásmáná barag but o Hodáay rástén némagá nesht.

Yuhanná 20:26

Hasht róchá rand, wahdé morid padá hamá lógá yakjáh butant, Tumá ham gón at. Lógay darwázag kobl atant, bale angat ham Issá átk o áyáni nyámá óshtát o gwashti: “Émeni o salámati pa shomá.”

Yuhanná 21:1

É chizzán o rand, Teberiahay Mazangwarmay lambá, padá Issáyá watá moridáni démá záher kort. Áiay záher bayag é dhawlá at:

Yuhanná 21:14

Cha wati jáh janagá pad, é sayomi rand at ke Issá moridáni démá záher but.

Kásedáni Kár 13:31

hamá mardom ke cha Jalilá áiay hamráhiá Urshalimá átkagatant, tán bázén róchéá áesh dist. Nun á, kawmay démá pa Issáyá gwáhia dayant.

Kásedáni Kár 19:8

Pulos tán say máhá kanisahá shot o átk o bé tors o bimmá Hodáay bádsháhiay bárawá gón mohrén dalilán habar o tránia kort.

Kásedáni Kár 28:23

Áyán gón Pulosá pa gend o nendá yakk róché gisshént o á róchá, cha pésará géshter mardom Pulosay lógá átk o mocch but. Gorhá Pulosá sabáhá beger tán bégáhá gón áyán Hodáay bádsháhiay bárawá trán kort o gwáhi dát. Áiá cha Mussáay Sharyat o gwastagén Nabiáni Ketábáni gwáhi o dalilán é johd kort ke Issáay mannógeriá áyáni delán benádénit.

Kásedáni Kár 28:31

Pa natorsi Hodáay bádsháhiay jária jat o Hodáwandén Issá Masihay bárawá mardomi tálima dátant o hechkaséá á, makana nakort.

Kásedáni Kár 8:12

Nun wahdé mardomán Piliposay sará báwar kort, ke á, Hodáay bádsháhiay wasshén mestág o Issá Masihay námá jár janagá at, gorhá mardén o janénán, pákshódia kort.

Pulosay kágad pa Rumián 14:17

Chéá ke Hodáay bádsháhi pa warag o nóshag naent, áiay bádsháhi, palgári o sohl o shádehi ent ke cha Pákén Ruhá rasit.

Pa Tesálunikián Pulosay awali kágad 2:12

Má shomárá delbaddhi o deljami dát o dazbandi kort ke anchén zendé begwázénét ke Hodáay láhek bebit, hamá Hodá ke shomárá tawára kant ke dém pa mani bádsháhi o shán o shawkatá byáét.

Yuhannáay Awali Kágad 1:1

Hamá ke cha azalá hastat, hamá ke má eshkotag, gón wati chammán distag, hamá ke má cháretag o dast per kortag, á zendmánay gál ent.