Kásedáni Kár 1:24 - Hodáay Pákén Ketáb Balochi zobáná

²⁴ Randá, é dhawlá dwá kort o gwashtesh: “Oo Hodáwand! Taw harkasay delay hálá zánay, nun wat pa má paddar kan ke cha é doénán kojámiet gechén kortag

Kásedáni Kár 1:24 Iomraidhean Croise

Zabur 44:21

Hodáyá nazántagat? Chiá ke á cha delay ráz o asrárán sarpad ent.

Zabur 7:9

Oo ádelén Hodá ke del o darunána zánay! Badkáráni sherrián halás kan o pahrézkárán pa del mohr bedár.

Luká 16:15

Issáyá gwasht: “Shomá hamá ét ke mardománi démá watá tachk o pahrézkár pésha dárét, bale Hodá cha shomay delay hálán sahig ent. Shomárá begwashán, hamá chizz ke mardománi gwará báz kimmati ent, Hodá cha á chizzá sakk bézár ent.

Yuhanná 21:17

Sayomi bará gwashti: “Oo Shamun, Yuhannáay chokk! Bárén, maná dósta dáray?” Issáyá ke sayomi bará jost kort ke maná dósta dáray, Petros gamig but. Gwashti: “Oo Hodáwand! Taw har chizza zánay, taw zánay ke man tará dósta dárán.” Issáyá gwasht: “Gorhá mani pasán bechárén.

Kásedáni Kár 14:23

Áyán pa har kelisáyá kamásh gechén kort o gón róchag o dwáyá, á kamáshesh hamá Hodáwanday báhóth kortant, ke áiay sará báwaresh kortagat.

Kásedáni Kár 15:8

Hamá Hodá ke harkasay delay hálá zánt, darkawmi ham Pákén Ruh bakshet o pa wat zortant, anchosh ke Pákén Ruhi márá bakshetagat.

Kásedáni Kár 6:6

É mardomesh kásedáni démá áwort o pésh kortant. Kásedán pa áyán dwá kort o dast baddhá jatant.

Pulosay kágad pa Rumián 8:27

Á ke may delána patthit Pákén Ruhay pegr o hayálána zánt, chéá ke Ruh gón Hodáay wáhag o razáyá pa palgártagénán nyámjigeria kant.

Elhám 2:23

Man áiay chokkán wabáé dayán o koshán, gorhá sajjahén kelisá zánant ke man hamá án ke del o hayáláni hálán dara géjit o man shomá harkasá áiay káráni hesábá mozza dayán.