Pa Galátián Pulosay kágad 5:18 - Hodáay Pákén Ketáb Balochi zobáná

¹⁸ Bale agan Pákén Ruh shomay rahshóniá bekant, gorhá shomá Sharyatay páband naét.

Pa Galátián Pulosay kágad 5:18 Iomraidhean Croise

Yuhanná 16:13

Wahdé á kayt, bezán rástiay Ruh, shomárá dém pa sarjamén rástiá rahshónia kant, parchá ke á watsará heccha nagwashit, tahná hamá chizzána gwashit ke eshkontesh o shomárá démay háláni bárawá sarpada kant.

Pulosay kágad pa Rumián 7:4

Oo mani brátán! Hamé paymá cha Masihay jesm o jánay ráhá shomá cha Sharyatá ázát butag o mortagét tán dega kaséay bebét, hamáiay bebét ke cha mordagán jáh janáénag but, tán pa Hodáyá bar o samar byárén.

Pulosay kágad pa Rumián 8:12

Oo brátán! Gorhá má wámdár én, bale gonahkárén sareshtay wámdár naén ke áiay hesábá zend begwázénén.

Pulosay kágad pa Rumián 8:14

Á sajjahén mardom Hodáay chokk ant ke Hodáay Ruh áyáni rahshón ent.

Pa Galátián Pulosay kágad 5:16

Nun mana gwashán, gón Pákén Ruhá hamgám bebét. É paymá shomá gonahkárén tab o sareshtay lóth o wáhagáni randá nakapét.

Pa Galátián Pulosay kágad 5:23

narmtabi o dásht. Choshén chizzáni helápá hecch Sharyat o kánun nést.

Pa Galátián Pulosay kágad 5:25

Nun ke má Pákén Ruhay redá zenda gwázénén, gorhá gón Pákén Ruhá hamgám bebén.

Pa Timutáusá Pulosay awali kágad 1:9

Má é ham zánén ke Sharyat pa pahrézkárán jórh kanag nabutag, pa Sharyatay próshókán, pa sarkasshán, pa hodánáparmán o gonahkárán, pa nápák o bédinán, pa hamáyán ke wati pet o mátána koshant, pa hónigán,

Pa Timutáusá Pulosay domi kágad 1:7

Chéá ke Hodáyá márá choshén ruhé nadátag ke márá bozdel bekant, márá zór o wák o mehr o dáshtay Ruhi bakshátag.