Pa Galátián Pulosay kágad 5:1 - Hodáay Pákén Ketáb Balochi zobáná

¹ Masihá márá ázát kort ke má ázát bebén. Gorhá mohr bóshtét, watárá padá golámiay jogay chérá rawagá maylét.

Pa Galátián Pulosay kágad 5:1 Iomraidhean Croise

Zabur 51:12

Wati dátagén rakkénagay shádehiá padá beday o maná morádigén ruhé bebaksh.

Mattá 23:4

Anchén gránén bára bandant o mardománi kópagá laddhant ke chest kanaga nabant, bale wat pa áyáni chest kanagá lankok o mórdánagé ham nasorénant.

Luká 5:38

Nókén sharáb, báyad ent nókén zekká mán réchag bebit.

Kásedáni Kár 15:10

Nun shomá chéá moridáni gardená gránén jogé bandét o Hodáyá chakkásét? É bárá, na má zorta kanén o na may pirénán zort kortag.

Pulosay kágad pa Rumián 6:14

Báyad ent gonáh shomay sará hákemi makant, parchá ke shomá Sharyatay sáhegá naét, rahmatay sáhegá ét.

Pulosay kágad pa Rumián 6:18

Shomá cha gonáhá ázát kanag o nun páki o palgáriay golám butagét.

Pulosay kágad pa Rumián 7:3

Tán wahdé áiay mard zendag ent, agan á dega mardé begipt, zenahkár zánaga bit. Bale agan áiay mard bemerit, cha Sharyatay é rahbandá ázát ent o agan dega mardé begipt zenahkár zánaga nabit.

Pulosay kágad pa Rumián 7:6

Bale nun má cha Sharyatá ázát butagén, cha hamá chizzá mortagén ke pésará márá pábandi kortagat, tánke cha Ruhay nókén ráhá Hodáay hezmatá bekanén, cha Sharyatay nebeshtaháni kwahnén ráhá na.

Pulosay kágad pa Rumián 8:15

Shomárá golámi ruhé narasetag ke padá betorsét, shomá pa chokki zurag butagét o Hodái Ruh shomárá rasetag. Cha hamé Ruhá kukkára kanén “Abbá, oo Pet!”

Pulosay kágad pa Rumián 8:2

Chéá ke cha Issá Masihay ráhá, zenday Ruhay kánuná maná cha gonáh o markay kánuná ázát kortag.

Pa Galátián Pulosay kágad 2:4

Sonnat kanagay habar paméshká chest but ke lahtén drógén “brát” may nyámá potertagat ke may jásusiá bekanant o hamá ázátiá ke márá cha Issá Masihay barkatá hastent, sarpad bebant tánke márá golám bekanant.

Pa Galátián Pulosay kágad 3:25

Imán ke átkag, nun má sarparastéay dastay chérá naén.

Pa Galátián Pulosay kágad 4:26

bale á Urshalim ke borzá ent, ázát ent o may mát ent.

Pa Galátián Pulosay kágad 4:31

Gorhá, brátán! Má móledén janay chokk na én, ázátén janay chokk én.

Pa Galátián Pulosay kágad 4:9

Bale nun ke shomá Hodáyá zánét, yá rástterén gapp esh ent ke Hodá shomárá zánt, gorhá chón nezór o békárén ráh o rahbandáni némagá pera tarrét? Yakk randé padá hamesháni golám bayaga lóthét?

Pa Galátián Pulosay kágad 5:13

Oo brátán! Shomá gwánk janag butagét ke ázát bebét, bale chó mabit ke é ázáti pa shomay gonahkárén tab o sareshtá móhé bebit. Eshiay badalá pa mehr yakdomiay hezmatá bekanét.

Pa Pilipián Pulosay kágad 1:27

Toré harché bebit, wati zendá anchosh begwázénét ke Masihay wasshén mestágá bekarzét. Gorhá agan man shomay cháragá byáyán yá cha shomá dur bebán, bass sahig bebán ke shomá yakdel o yakján ét o mohr óshtátagét o pa wati báwará, bezán pa wasshén mestágá pa hamdeli johd kanagá ét o

Pa Tesálunikián Pulosay awali kágad 3:8

Nun má árámá neshta kanén ke shomá Hodáwanday ráhá mohr óshtátagét.

Pa Tesálunikián Pulosay domi kágad 2:15

Gorhá, brátán, mohkam bóshtét o hamá tálim ke má shomárá dátagant, áyán mohr bedárét, zobáni habar bebant yá may nebeshtagén kágad.

Petrosay Awal Kágad 2:16

Shomá ázát ét, paméshká ázátén mardománi dhawlá zend begwázénét bale wati ázátiá hechbar pa radén kárán nimmón makanét, wati ázátiá pa Hodáay hezmatá kár bebandét.

Petrosay Domi Kágad 2:19

Áyán ázátiay kawl o wádaha dayant bale wat selkáriay golám o bandig ant. Chéá ke harkas chizzéá wati wájah o mastera kant, wat áiay golám o bandiga bit.

Yahudáay Kágad 1:3

Oo dordánagán! Wáhagdár atán pa shomá hamá rakkagay bárawá benebisán ke má sajjahén áiay sharikdár én. Bale man zalurat dist ke gón é chizzáni nebisagá, shomay delá shawk pédá bekanán tán pa hamá báwará johd bekanét ke yakk randé palgártagénán dayag butag o tán abad gón máshomá góna bit.

Elhám 2:25

bale hamá chizzáni sará ke shomá watá mohr dáshtag, tán mani áyagá watá anchosh bedárét.”

Elhám 3:3

Gorhá tawbah kan o harché ke tará rasetag o taw eshkotag yátesh kan o mohresh bedár. Agan ágah nabutay, man dozzokáia káyán o taw hecch sarpada nabay ke man che wahdá pa taw káyán.