Pa Galátián Pulosay kágad 3:16 - Hodáay Pákén Ketáb Balochi zobáná

¹⁶ Nun kawl gón Ebráhémá o gón Ebráhémay chokká kanag butant. Pákén Ketába nagwashit ke “gón tai chokkán”, bezán gón bázénéá. Pákén Ketába gwashit: “Gón tai Chokká”, bezán gón yakkéá o é Masih ent.

Pa Galátián Pulosay kágad 3:16 Iomraidhean Croise

Pédáesh 12:3

Hamá mardom ke tará barkata dayant, man áyán barkata dayán o hamá mardom ke tará nálata kanant, man áyán nálata kanán o zeminay sajjahén kawm tai sawabá barkata gerant.”

Pédáesh 12:7

Bale Hodáwand, Ebrámay démá záher but o gwashti: “Cha mani némagá é sardhagár tai nasl o padréchayg ent.” Gorhá Ebrámá ódá pa Hodáwandá, ke áiay démá záher butagat, korbánjáhé addh kort.

Pédáesh 15:5

Hodáwandá Ebrám dhanná bort o gwasht: “Ásmáná bechár o estárán hesáb kan, agan hesábesh korta kanay. Tai nasl o padréch esháni paymá báza bit.”

Pédáesh 21:12

Bale Hodáyá gón Ebráhémá gwasht: “Pa bachakká o wati móledén zálá paréshán mabay. Harché Sárah tará gwashit, hamá warh bekan, chéá ke tai nasl o padréch cha Esáká zánaga bit.

Pédáesh 49:10

Bádsháhi asá cha Yahudáay dastá narawt o hákemiay dazlatth cha áiay pádáni démá dura nabit tán hamá wahdá ke asligén wáhonda kayt o kawm áiay parmánbardára bant.

Mattá 1:1

Issá Masih, Dáud o Ebráhémay chokk ent. Áiay béh o bonyátay daptar é dhawlá ent:

Luká 1:55

bezán pa Ebráhém o áiay chokk o óbádagán abadi mehri bakshetag, hamá paymá ke gón may pet o pirokán labzi kortagat.”

Kásedáni Kár 3:25

Shomá nabiáni poshpad o hamá ahd o kawlay mirásdár ét ke Hodáyá gón shomay pet o pirokán kortagat, wahdé gón Ebráhémá gwashti: ‘Zeminay sajjahén kawm o kabilah cha tai nasl o poshpadá barkata gerant.’

Pulosay kágad pa Rumián 12:5

má ke báz én, Masihay arwáh o jabiná yakkén jesm o ján én o cha má har yakké, yakdomiay band o bóg ent.

Pulosay kágad pa Rumián 4:13

Ebráhém o áiay nasl o padréchá é wádah ke á jahánay mirásdára bant cha Sharyatay ráhá naraset, cha páki o palgáriay ráhá raset ke cha imáná kayt.

Pulosay kágad pa Rumián 4:16

Paméshká, wádah báwaray sará óshtátag, tán wádahay bonred rahmat bebit o áiay sarjam bayag pa Ebráhémay sajjahén nasl o padréchá zamánat kanag bebit. É wádah tahná pa Sharyatay randgir o mannókán mabit, pa áyán ham bebit ke gón Ebráhémay imáná sharikdár ant, parchá ke Ebráhém má sajjahénáni pet ent.

Pulosay kágad pa Rumián 9:4

Á, Esráili ant ke pa chokki zurag butagant. Shán o shawkat, ahd o paymán, Sharyatay rasag, parasteshay ráh o rahband o Hodáay labz o karár hamáyánig ant.

Pa Galátián Pulosay kágad 3:19

Gorhá Sharyat chéá dayag butag? Sharyat ensánay náparmániáni sawabá dayag butag. Préshtagán áwort o myánjigerén mardoméay, bezán Mussáay dastá dát o tán hamá wahdá kárámad at ke hamá Chokk, bezán Masih byayt ke áiay áyagay kawl dayag butagat.

Pa Galátián Pulosay kágad 3:8

Pákén Ketábá péshgói kort ke Hodá chón darkawmán imánay sawabá pák o palgára kant. Hodáyá Ebráhémay kerrá wasshén mestágay jár pésará jat, gwashti: “Donyáay sajjahén kawm tai sawabá barkata gerant.”