Pa Galátián Pulosay kágad 2:14 - Hodáay Pákén Ketáb Balochi zobáná

¹⁴ Bale wahdé man dist ke é mardom wasshén mestágay rástén ráhá rawagá naant, sajjahénáni démá gón Képáyá gwashton: “Taw wat Yahudié ay o angat wati zendá Yahudiáni dhawlá nagwázénay, darkawmáni dhawlá gwázénay, gorhá darkawmán parchá hojja kanay ke Yahudiáni dhawlá zend begwázénant?”

Pa Galátián Pulosay kágad 2:14 Iomraidhean Croise

Zabur 141:5

Bell maná pahrézkáré shahmát bejant, é rahmé, bell maná hakkal bedant, é pa mani sará rógené, man cha eshiá enkára nakanán, angat mani dwá, badkáráni káráni helápá bit.

Zabur 15:2

Hamá ke béayb gám bejant, adl o ensápá barjáh dárit o pa delsetki rásténá begwashit,

Zabur 58:1

Oo hákemán! Shomay bétawári náensápi naent? Mardománi nyámá pa ensáp dádrasia kanét?

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Kásedáni Kár 10:28

Gón áyán gwashti: “Shomá zánét ke pa Yahudián, gón darkawmán hór o yakjáh bayag rawá naent o áyáni lógán ham narawant. Bale Hodáwandá maná pésh dásht ke hechkaséá nápák o palit mazánán o malékán.

Kásedáni Kár 15:1

Cha Yahudiahá lahtén mardom Antákiahá átk o brátesh tálim dátant o gwashtesh: “Tán wahdé shomá Mussáay Sharyatay randgiriá sonnat o borrok makanét, rakketa nakanét.”

Kásedáni Kár 15:24

Má eshkotag ke bé may parmáná cha may nyámá lahtén báwarmand hamángor átkag o gón wati habarán shomárá deltaparkah o paréshánesh kortag.

Kásedáni Kár 15:5

bale lahtén báwarmand ke péshá Parisiáni rombá butagatant, pád átkant o gwashtesh: “Hamá sajjahén darkawm ke imánesh áwortag, báyad sonnat o borrok kanag bebant o hokm dayag bebit ke Mussáay Sharyatay randgiriá bekanant.”

Pulosay kágad pa Rumián 14:14

Man, cha Hodáwandén Issáay némagá saddak án ke hecch waráké watáwat palit naent, bale agan kasé chizzéá pa wat palit bezánt pa áiá palit ent.

Pa Galátián Pulosay kágad 1:18

Say sál gwast o nun Urshalimá Képáay didárá shotán o bass pánzdah róchá gón áiá dáshton.

Pa Galátián Pulosay kágad 1:6

Man hayrán án ke shomá pa dega “wasshén mestágéá” chón zutt hamá Hodáyá yalah kanagá ét ke shomárá tawári kortag ke Masihay rahmatáni chérá zend begwázénét.

Pa Galátián Pulosay kágad 2:3

Titus ham ke mani hamráh at, bell toré Yunánié at, bale pa sonnatá majbur kanag nabut.

Pa Galátián Pulosay kágad 2:5

Bale má pa damánéá ham áyáni démá sar jahl nakort tánke wasshén mestágay rásti pa shomá bemánit.

Pa Galátián Pulosay kágad 2:7

Mani tálimáni tahá chizzé gésh kanagay badalá, á sarpad butant ke sonnat nakortagénáni kerrá wasshén mestágay jár janagay zemmah maná dayag butag, anchosh ke sonnat kortagénáni kerrá é járay janagay zemmah Petrosá dayag butag.

Pa Galátián Pulosay kágad 2:9

Ákub o Képá o Yuhanná ke kelisáay menok zánaga butant, wahdé sarpad butant ke maná rahmatay é sawgát rasetag, wati rástén dastesh mani o Bárnábáay némagá pa hamkáriá shahárt ke má darkawmáni kerrá berawén o á, sonnat kortagénáni kerrá berawant.

Pa Galátián Pulosay kágad 6:12

Hamá ke mardomán gón jesmi kárán wassh kanagay johdá ant, shomárá pa sonnat o borroká majbur kanagá ant. É mardom tahná paméshká chosh kanagá ant ke watá cha hamá ázárán berakkénant ke Masihay salibay sawabá rasant.

Pa Timutáusá Pulosay awali kágad 5:20

bale hamá ke gonáha kant, mahlukay démá malámat kanag bebit, tánke é dega mardom ebrat begerant.