Elhám 6:10 - Hodáay Pákén Ketáb Balochi zobáná

¹⁰ Zár zárá gréwag o gwashagá atant: “Oo pák o rástén Hodáwand! Tán kadén dádrasia nakanay o may hónay bérá cha zeminay sará neshtagénána nageray?”

Elhám 6:10 Iomraidhean Croise

Pédáesh 4:10

Hodáwandá gwasht: “Taw che káré kort? Tai brátay hón cha zeminá gón man peryát kanagá ent.

Zabur 119:84

Tán kadén tai hezmatkár wadárá bebit? Kadi mani ázár dayókán sezá dayay?

Zabur 13:1

Oo Hodáwand! Tán kadén? Bárén maná tán abada shamóshay? Tán kadén wati démá cha man panáha kanay o póshénay?

Zabur 35:17

Oo Hodáwand! Tán kadéna nenday o cháray? Mani arwáhá cha áyáni setamá berakkén, mani yakkén zendá cha shéráni dapá.

Zabur 79:10

Chiá darkawm begwashant: “Esháni Hodá kojá ent?” May chammáni démá kawm begendátant ke taw wati hezmatkáráni retkagén hónáni bérá geray.

Zabur 9:12

Chiá ke á ke hónáni bérgir ent, eshán yáta kant zolm distagénáni peryátána nashamóshit.

Dányál 12:6

Yakkéá gón hamé lilompóshén mardá ke kawray ápay sarborá at, gwasht: “É ajabbatén kár chinchok wahdá sarjama bant?”

Dányál 8:13

Nun man eshkot pákéné habará ent. Dega pákénéá cha áiá jost kort: “É elhám, bezán har róchigén korbánig, tabahkárén sarkasshi, Hodáay pákén lógay chérdasti o lashkaray pádmál bayagay elhám o shobén tán kadéná barjáha mánit?”

Luká 2:29

“Oo zórmandén Hodáwand! Nun maná, wati é hezmatkárá, anchosh ke taw wat labz dátag, cha é jaháná pa wasshi o salámati chest kan o wati gwará bebar,

Luká 21:22

Chéá ke á wahd sezáay wahda bit o sajjahén nebeshtánkáni habar purah o sarjama bant.

Pulosay kágad pa Rumián 12:19

Oo dordánagán! Hechbar bérgiri makanét, kahrá pa Hodáyá bellét. Chéá ke nebeshtah ent: “Hodáwanda gwashit: ‘Béray gerag mani kár ent, sezá dayók man án.’”

Petrosay Domi Kágad 2:1

Bale mardománi nyámá drógén nabi ham hastat, hamá dábá ke shomay nyámá drógén ostád wadia bant ke chérandari bérán kanókén báwarán rawája dayant, tantaná wati Hodáwandá ham namannant ke ái gón wati hóná bahá zortant. Á gón tézén gár o bégwáhiéá dochára kapant.

Elhám 11:18

Kawm zahr geptagant o tai gazab átkag. Mordagáni dádrasiay wahd rasetag. Tai hezmatkárén paygambarán, tai palgártagénán o harkasá ke tai námay tors hast, kasán o mazan, áyáni mozz dayagay wahd átkag o hamáyáni barbád kanagay wahd ke zeminá barbád kanagá ant.”

Elhám 18:20

Áiay sará shádehi kanét, oo ásmánán! Shádehi kanét, oo Hodáay palgártagén mardomán, oo kásed o paygambarán! Chéá ke Hodáyá eshiay dádrasi hamá paymá kortag ke eshiá gón shomá kortag.

Elhám 18:24

Paygambar o Hodáay palgártagén mardom o harkas ke donyáay tahá koshag butag, áyáni hón é shahray tahá dar kapt.”

Elhám 19:2

chéá ke áiay dádrasi rást o pa adl ant. Áiá hamá mazanén kahbag sezá dátag ke zemini gón wati zenahkárián gomráh kortagat. Hodáyá cha áiá wati hezmatkáráni hónay bér geptag.”

Elhám 3:10

Taw mani hokm mannetag o sabr o ópár kortag, paméshká man ham tará cha dádrasiay sáhatá rakkénán ke pa zeminay sará neshtagénáni chakkásagá sajjahén donyáyá áyagi ent.

Elhám 3:7

Pa Piládelpiáay kelisáay préshtagá nebeshtah kan: É habar hamáiayg ant ke pák o rást ent, hamáiayg ke Dáuday keliti dastá ent. Á chizzá ke á pach bekant, kassi band korta nakant o á chizzá ke á band bekant, kassi pach korta nakant. Á chosha gwashit: