Elhám 6:1 - Hodáay Pákén Ketáb Balochi zobáná

¹ Man dist ke Gwarándhá cha haptén mohrán awali pach kort o man eshkot cha chárén sahdárán yakké granday tawáray paymá gwashagá at: “Byá.”

Elhám 6:1 Iomraidhean Croise

Yuhanná 1:29

Domi róchá, wahdé Yahyáyá dist ke Issá dém pa man pédák ent, gwashti: “Bechárét! Esh ent Hodáay hamá Gwarándh ke jahánay gonáhána shódit o dura kant.

Kásedáni Kár 4:20

Bale má cha wati distagén o eshkotagénáni paddar o darshán kanagá watá dáshta nakanén.”

Elhám 11:19

Padá Hodáay parasteshgáh arshá pach kanag but o Hodáay ahd o karáray péti, áiay parasteshgáhay tahá gendag but. Geróki shahm, borzén tawár o grand atant, zeminchandh o sakk báz tróngal but.

Elhám 13:8

Zeminay sará neshtagén sajjahén mardom rastará parastesha kanant, á sajjahén ke áyáni nám donyáay addh bayagá pésar “Zenday Ketábay” tahá, Gwarándhay ketábá nebeshtah kanag nabutagatant, hamá Gwarándh ke helár kanag butagat.

Elhám 14:2

O man tawáré cha ásmáná eshkot, chó bázén ápáni tawárá, purah baláhén grandéay tawár at. É tawár ke man eshkot purah chang janók atant ke wati changán janagá atant.

Elhám 19:6

Padá man anchén tawár eshkot ke chó mazanén mocchi o bázén áp o trondén grandáni tawárá atant ke gwashtesh: “Hodáwandá benázénét, Halléluyá. Chéá ke may porwákén Hodáwandén Hodá hokmránia kant.

Elhám 4:8

Cha é chárén sahdárán har yakkéá shash bánzol o har némagá chamm per at, bánzoláni chérá ham. É hecch bassa nakanant o shap o róch gwashagá ant: “Pák ent, pák ent, pák ent, porwákén Hodáwandén Hodá pák ent, hamá ke hast butag, hastent o áyagi ent.”

Elhám 5:1

Padá man dist ke tahtay sará neshtagéná ketábé, bezán tumáré rástén dastá ent ke posht o démi nebeshtah ant o hapt mohr jatag.

Elhám 5:12

Gón borzén tawáréá gwashagá atant: “Hamá Gwarándh ke helár kanag but, karzit ke áiá zór o mál o dánái o wák o ezzat o shawkat o satá dayag bebit.”

Elhám 5:8

Wahdé tumári zort chárén sahdár o bist o chárén kamásh Gwarándhay démá kaptant, har yakkéá changé dastá at o teláhén darpesh gón at ke sóchokiá porr atant. É Hodáay palgártagén mardománi dwá atant.

Elhám 6:3

Wahdé Gwarándhá domi mohr pach kort, man eshkot domi sahdár gwashagá at: “Byá.”

Elhám 6:5

Wahdé Gwarándhá sayomi mohr pach kort, man eshkot sayomi sahdár gwashagá at: “Byá.” Man cháret ta syáhén aspé o aspswárá sháhémé dastá ent.

Elhám 6:7

Wahdé Gwarándhá cháromi mohr pach kort, man eshkot cháromi sahdár gwashagá at: “Byá.”

Elhám 8:1

Wahdé Gwarándhá haptomi mohr pach kort arshá kesás ném sáhatá bétawári but.