Elhám 5:9 - Hodáay Pákén Ketáb Balochi zobáná

⁹ Á nókén sawté janagá o gwashagá atant: “Taw tumáray zurag o eshiay mohráni pach kanagay láhek ay chéá ke taw helár kanag butagay o gón wati hóná pa Hodáyá cha har kabilah, zobán, kawm o rájá mardom pa bahá zortag.

Elhám 5:9 Iomraidhean Croise

Zabur 144:9

Man pa taw nókén sawté janán, oo Hodá! Dahtárén soróz o changay sará pa taw sáza janán,

Zabur 149:1

Hodáwandá benázénét, Halléluyá. Pa Hodáwandá nókén sawté bejanét o áiá, áiay wapádáráni mocchiá benázénét.

Zabur 33:3

Pa áiá, nókén sawté byárét, gón washpanjagi simmán belarzénét o pa shádehi gwánk janét.

Zabur 40:3

Nókén sawté mani dapá dáti, may Hodáay satá o sanáay shayr. Bázéné gendit o mannit o Hodáwanday sará tawkala kant.

Zabur 96:1

Pa Hodáwandá nókén sawté bejanét. Oo sajjahén zemin! Hodáwandá benázén.

Zabur 98:1

Pa Hodáwandá nókén sawté bejanét, ke ajabén kári kortag, áiay rástén dast o pákén báská sób o pérózi katthetag.

Dányál 3:4

Gorhá jár janóká gón borzén áwázéá jár jat: “Oo kawm o ráján o har zobánay mardomán! É pa shomá hokmé:

Dányál 4:1

Cha bádsháh Nebukadnezaray némagá, pa é jaháná neshtagén sajjahén kawm o ráj o har zobánay mardomán. Shomá géshá gésh émen bátét.

Dányál 5:19

Hamá mazaniay sawabá ke Hodáyá dátagat, sajjahén kawm o ráj o har zobánay mardom cha torsá tai pirokay démá larzetant. Kasé ke áiá koshaga lóthet, koshti o kasé ke áiá koshaga nalóthet, nakoshti. Kasé ke áiá mazani dayaga lóthet, mazaniia dát o kasé ke áiá kamsharap kanaga lóthet, kamsharapia kort.

Dányál 6:25

Padá bádsháh Dáryushá pa sajjahén kawm, ráj o har zobánay mardomán ke téwagén sarzeminá jahmenend atant, nebeshtah kort: “Shomá géshá géshter émen bátét.

Mattá 20:28

Hamé dhawlá, Ensánay Chokk nayátkag ke mardom áiay hezmatá bekanant, átkag ke mardománi hezmatá bekant o gón wati sáhay dayagá, bázénéá berakkénit.”

Mattá 26:28

É mani ahd o karáray hón ent, ke pa bázénéay gonáháni bakshagá réchaga bit.

Kásedáni Kár 20:28

Shomá wati jend o wati ramagay sajjahén báwarmandáni hayáldáriá bekanét ke Pákén Ruhá shomárá áyáni negahpán kortag. Hodáay kelisáay shepánki o negahpániá bekanét, hamá kelisá ke Hodáwandén Issáyá gón wati hóná pa bahá geptag.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.

Petrosay Domi Kágad 2:1

Bale mardománi nyámá drógén nabi ham hastat, hamá dábá ke shomay nyámá drógén ostád wadia bant ke chérandari bérán kanókén báwarán rawája dayant, tantaná wati Hodáwandá ham namannant ke ái gón wati hóná bahá zortant. Á gón tézén gár o bégwáhiéá dochára kapant.

Yuhannáay Awali Kágad 1:7

Bale agan rozhnáiá rawagá én, hamá paymá ke á rozhnáiá ent, gorhá watmánwatá hamdel o hamsetk én o áiay Chokk Issáay hón márá cha sajjahén gonáh o mayárán pák o palgára kant.

Yuhannáay Awali Kágad 2:2

Á may gonáháni shódókén korbánig ent, tahná may na, sajjahén jahánay gonáháni korbánig ent.

Elhám 10:11

Maná gwashtesh: “Pa taw é allami ent ke padá bázén kawm, ráj, zobán o bádsháháni bárawá péshgói bekanay.”

Elhám 11:9

Tán say o ném róchá cha har kawm, kabilah, zobán o rájá mardom esháni jónána chárant bale kabr o kapan kanagesha naylant.

Elhám 13:7

Áiá ejázat dayag but ke Hodáay palgártagén mardománi helápá jang o jadal chest bekant o áyán prósh bedant. Áiá har kabilah, kawm, zobán o rájay sará ehtiár dayag but.

Elhám 13:8

Zeminay sará neshtagén sajjahén mardom rastará parastesha kanant, á sajjahén ke áyáni nám donyáay addh bayagá pésar “Zenday Ketábay” tahá, Gwarándhay ketábá nebeshtah kanag nabutagatant, hamá Gwarándh ke helár kanag butagat.

Elhám 14:6

Padá man dega préshtagé dist, ásmánay nyámá bál at. Abadi wasshén mestágé gón ati ke pa zeminay saray neshtagénán, pa har kawm, kabilah, zobán o rájá jári bejant.

Elhám 15:3

Áyán Hodáay hezmatkár Mussáay sawt dapá at o Gwarándhay sawt ham. Gwashagá atant: “Tai kár mazan o hayrán kanók ant, oo porwákén Hodáwandén Hodá! Tai ráh pa adl o rásti ant, oo kawmáni bádsháh!

Elhám 17:15

Nun préshtagá maná gwasht: “Hamá áp ke taw distant, hamódá ke kahbag neshtag, kawm, mocchi, ráj o zobán ant.

Elhám 4:11

“May Hodáwand o may Hodá! Taw shán o shawkat, ezzat o zóra karzay, chéá ke taw sajjahén chizz addh kortagant o sajjahén chizz cha tai wáhagá jórh butag o hastant.”

Elhám 5:12

Gón borzén tawáréá gwashagá atant: “Hamá Gwarándh ke helár kanag but, karzit ke áiá zór o mál o dánái o wák o ezzat o shawkat o satá dayag bebit.”

Elhám 5:6

Padá man tahtay sará, nyámá, chárén sahdár o kamásháni nyámá, Gwarándhé dist ke óshtátagat o gwashaygá helár kanag butagat. Gwarándhá hapt kánth o hapt chamm per at. É Hodáay haptén Ruh ant ke sajjahén zeminay sará dém dayag butagant.