Elhám 5:8 - Hodáay Pákén Ketáb Balochi zobáná

⁸ Wahdé tumári zort chárén sahdár o bist o chárén kamásh Gwarándhay démá kaptant, har yakkéá changé dastá at o teláhén darpesh gón at ke sóchokiá porr atant. É Hodáay palgártagén mardománi dwá atant.

Elhám 5:8 Iomraidhean Croise

Zabur 141:2

Mani dwá tai bárgáhá chó sóchokiá kabul bát o mani chest butagén dast, bégáhay korbánigay paymá.

Zabur 150:3

Áiá gón sornáay tawárá satá kanét, gón soróz o changán satái kanét.

Zabur 33:2

Hodáwandá gón chang benázénét, gón dahtárén changá pa áiá sáz bejanét.

Zabur 43:4

Á wahdi Hodáay korbánjáhá rawán, dém pa Hodáyá ke mani wasshi o shádehi ent. Oo Hodá, mani Hodá! Tará gón changá názénán.

Zabur 81:2

Sáz o tamburagá bongéj kanét, washtawárén chang o soródán.

Yuhanná 1:29

Domi róchá, wahdé Yahyáyá dist ke Issá dém pa man pédák ent, gwashti: “Bechárét! Esh ent Hodáay hamá Gwarándh ke jahánay gonáhána shódit o dura kant.

Yuhanná 5:23

tánke sajjahén mardom hamá dhawlá ke Petá ezzata dayant, Chokká ham ezzat bedayant. Kasé ke Chokká ezzata nadant, Petá ham ezzata nadant, chéá ke Chokkay dém dayók Pet ent.

Elhám 13:8

Zeminay sará neshtagén sajjahén mardom rastará parastesha kanant, á sajjahén ke áyáni nám donyáay addh bayagá pésar “Zenday Ketábay” tahá, Gwarándhay ketábá nebeshtah kanag nabutagatant, hamá Gwarándh ke helár kanag butagat.

Elhám 15:2

Padá man chizzé dist, daryáéay paymá at bale chó shisshagá at, gón ásá hawár. O man dist shisshagi daryáay kashá hamá óshtátagatant ke rastaray sará o áiay bot o námay nambaray sará sóbén butagatant. Changesh dastá at ke Hodáyá dátagatant.

Elhám 15:7

Padá cha chárén sahdárán yakkéá haptén préshtagáná hapt teláhén darp dát ke cha Hodáay gazabá porr atant, abad tán abad zendagén Hodáay gazabá.

Elhám 19:4

Padá bist o chárén kamásh o chárén sahdár dém pa chér kaptant. Tahtay sará neshtagén Hodáesh parastesh kort, gwashtesh: “Ámin. Hodáwandá benázénét, Halléluyá.”

Elhám 4:10

gorhá bist o chárén kamásh tahtay sará neshtagénay démá kapant o hamáiá názénant ke abad tán abad zendag ent, wati táján tahtay démá éra kanant o gwashant:

Elhám 4:4

É tahtay chapp o chágerdá bist o chár taht ér at o bist o chár kamásh áyáni sará neshtagat. Kamáshán espétén póshák gwará at o teláhén tájesh sará at.

Elhám 4:6

Tahtay démá purah daryáé at ke chó shisshagá at, chó bolórá. Tahtay chapp o chágerdá, nyámjiná, chár sahdár hastat ke démá o poshtá sarjamá chammesh per at.

Elhám 4:8

Cha é chárén sahdárán har yakkéá shash bánzol o har némagá chamm per at, bánzoláni chérá ham. É hecch bassa nakanant o shap o róch gwashagá ant: “Pák ent, pák ent, pák ent, porwákén Hodáwandén Hodá pák ent, hamá ke hast butag, hastent o áyagi ent.”

Elhám 5:11

Padá man cháret o eshkot ke bázén préshtagéay tawár ent. É lakkáni lakk atant, hazáráni hazár. Tahtay chapp o chágerdá atant, sahdár o kamásháni chágerdá.

Elhám 5:12

Gón borzén tawáréá gwashagá atant: “Hamá Gwarándh ke helár kanag but, karzit ke áiá zór o mál o dánái o wák o ezzat o shawkat o satá dayag bebit.”

Elhám 5:14

Chárén sahdárán “ámin” gwasht, kamásh dém pa chér kaptant o Hodá o Gwarándhesh názént.

Elhám 5:6

Padá man tahtay sará, nyámá, chárén sahdár o kamásháni nyámá, Gwarándhé dist ke óshtátagat o gwashaygá helár kanag butagat. Gwarándhá hapt kánth o hapt chamm per at. É Hodáay haptén Ruh ant ke sajjahén zeminay sará dém dayag butagant.

Elhám 6:1

Man dist ke Gwarándhá cha haptén mohrán awali pach kort o man eshkot cha chárén sahdárán yakké granday tawáray paymá gwashagá at: “Byá.”