Elhám 5:11 - Hodáay Pákén Ketáb Balochi zobáná

¹¹ Padá man cháret o eshkot ke bázén préshtagéay tawár ent. É lakkáni lakk atant, hazáráni hazár. Tahtay chapp o chágerdá atant, sahdár o kamásháni chágerdá.

Elhám 5:11 Iomraidhean Croise

Zabur 103:20

Oo Hodáwanday préshtagán! Shomá, oo zóráwarán ke áiay habarán barjáha dárét o áiay parmánbardáriá kanét! Hodáwandá benázénét.

Zabur 148:2

Oo áiay sajjahén préshtagán! Áiá satá kanét. Oo áiay sajjahén ásmáni lashkarán! Áiá satá kanét.

Zabur 68:17

Hodáay arrábah hazáráni hazár o lakkáni lakk ant, Hodáwand cha Sináay kóhá wati pákén jágahá átkag.

Dányál 7:10

Ásay kawré tachagá at o cha áiay bárgáhá dar áyagá at. Hazáráni hazár áiay hezmatá at o lakkáni lakk áiay démá óshtátagat. Diwán pa dádrasiá nesht o ketáb pach butant.

Yahudáay Kágad 1:14

Hanuk ke Ádamay haptomi nasl o padréch at, esháni bárawá chosh péshgóia kant o gwashit: “Hodáwand gón wati lakkáni lakkén palgártagénána kayt,

Elhám 19:6

Padá man anchén tawár eshkot ke chó mazanén mocchi o bázén áp o trondén grandáni tawárá atant ke gwashtesh: “Hodáwandá benázénét, Halléluyá. Chéá ke may porwákén Hodáwandén Hodá hokmránia kant.

Elhám 4:4

É tahtay chapp o chágerdá bist o chár taht ér at o bist o chár kamásh áyáni sará neshtagat. Kamáshán espétén póshák gwará at o teláhén tájesh sará at.

Elhám 4:6

Tahtay démá purah daryáé at ke chó shisshagá at, chó bolórá. Tahtay chapp o chágerdá, nyámjiná, chár sahdár hastat ke démá o poshtá sarjamá chammesh per at.

Elhám 5:14

Chárén sahdárán “ámin” gwasht, kamásh dém pa chér kaptant o Hodá o Gwarándhesh názént.

Elhám 5:6

Padá man tahtay sará, nyámá, chárén sahdár o kamásháni nyámá, Gwarándhé dist ke óshtátagat o gwashaygá helár kanag butagat. Gwarándhá hapt kánth o hapt chamm per at. É Hodáay haptén Ruh ant ke sajjahén zeminay sará dém dayag butagant.

Elhám 5:8

Wahdé tumári zort chárén sahdár o bist o chárén kamásh Gwarándhay démá kaptant, har yakkéá changé dastá at o teláhén darpesh gón at ke sóchokiá porr atant. É Hodáay palgártagén mardománi dwá atant.

Elhám 7:11

Sajjahén préshtag, tahtay chapp o chágerdá óshtátagatant, kamásh o chárén sahdáráni chapp o chágerdá. Tahtay démá, dém pa chér kaptant o Hodáesh parastesh kort.

Elhám 9:16

Man eshkot, aspswárén lashkar do hazár lakk at.