Elhám 21:3 - Hodáay Pákén Ketáb Balochi zobáná

³ O man borzén tawáré eshkot ke cha tahtá pédák at, gwashagá at: “Bechár! Hodáay menendjáh mardománi kerrá ent, nun á wat áyáni kerrá nendóka bit. Á, Hodáay mardoma bant o Hodá wat gón áyán yakjáha bit.

Elhám 21:3 Iomraidhean Croise

Dargwaz 25:8

Pa man pákén jágahé addh bekanant ke man áyáni nyámá jahmenend bebán.

Dargwaz 29:45

Man Esráiliáni nyámá jahmenenda bán o áyáni Hodá bán.

Yuhanná 1:14

Gál ensán but o may nyámá jágahi kort. Má áiay shán o shawkat dist, hamá shán o shawkat ke Petay yakkén Chokkayg ent, hamá Chokk ke cha rahmat o rástiá sarréch ent.

Yuhanná 14:23

Issáyá passaw tarrént: “Á kas ke maná dósta dárit, hamá habaráni sará kára kant ke man gwashtagant. Mani Pet áiá dósta dárit o man o Peta káén o áiay kerrá lóg o jágaha kanén.

Pa Tesálunikián Pulosay awali kágad 3:11

Nun may Hodáén Petay jend o may Hodáwandén Issá may ráhá pach kanát ke má shomay kerrá byáén.

Elhám 10:4

Wahdé haptén grandán habar kort man lóthet benebisánesh, bale tawáré cha ásmáná eshkoton, gwashagá at: “Harché ke haptén grandán gwasht, chéresh beday o nebeshtahesh makan.”

Elhám 10:8

Gorhá hamá tawárá gón man padá habar kort ke man cha ásmáná eshkotagat. Gwashti: “Beraw, hamá pachén tumárá bezur ke daryá o zeminay sará óshtátagén préshtagay dastá ent.”

Elhám 12:10

Padá man borzén tawáré cha ásmáná eshkot ke gwashagá at: “Nun may Hodáay rakkénag o zór o bádsháhi o áiay Masihay ehtiár rasetag, chéá ke may brátáni bohtám janók, hamá ke róch o shap áyáni sará may Hodáay démá bohtám janagá at, gallénag butag.

Elhám 21:7

Hamá ke sóbéna bit, é sajjahén chizzi mirásá rasant, man áiay Hodá bán o á mani chokka bit.

Elhám 22:3

O hecch paymén nálaté pashta nakapit. Hodá o Gwarándhay taht hamódá bit o áiay hezmatkár áiay hezmatá kanant.

Elhám 7:15

Hamé sawabá, é Hodáay tahtay démá ant o shap o róch, áiay parasteshgáhá, áiay hezmatá kanant o hamá ke tahtay sará neshtag eshán sáhéla kant.