Elhám 20:11 - Hodáay Pákén Ketáb Balochi zobáná

¹¹ Randá man baláhén espétén tahté dist o hamá ham ke tahtay sará neshtagat. Zemin o ásmán cha áiay démá tatkant o pa zemin o ásmáná hecch jágahé pasht nakapt.

Elhám 20:11 Iomraidhean Croise

Pédáesh 18:25

Cha tai dastá choshén káré mabát ke pahrézkárá gón badkárá hór bekoshay o pahrézkár o badkárá yakkén chammá becháray. Sajjahén jahánay dádras pa hakk o ensáp kára nakant?”

Zabur 102:26

É sajjahén gár o bégwáha bant bale taw mánay, é sajjahén chó pósháká kwahna bant, taw eshán chó pósháká badala kanay o é bérána bant,

Zabur 47:8

Hodá kawmáni sará bádsháhia kant, á wati pákén tahtá neshtag.

Zabur 89:14

Adl o ensáp tai bádsháhiay bonyád ant, mehr o wapádári tai hamráhiá, démá gám janán ant.

Zabur 97:2

Jambar o tahári áiay chapp o chágerdá ant, adl o ensáp, áiay tahtay bonhesht o bonyád ant.

Dányál 2:35

Padá ásen, patkagén gel, brenj, nograh o teláh, sarjamá yakjáh hurt butant, anchosh ke garmágán jóhánay pog o palár hurta bant, o gwátá ropt o bortant tán áyáni hecch nesháné pasht nakapt. Bale hamá seng ke botá lagget, baláhén kóhé jórh but o sajjahén zemini gept.

Dányál 7:10

Ásay kawré tachagá at o cha áiay bárgáhá dar áyagá at. Hazáráni hazár áiay hezmatá at o lakkáni lakk áiay démá óshtátagat. Diwán pa dádrasiá nesht o ketáb pach butant.

Mattá 11:22

Báwar kanét, jost o porsay róchá Sur o Saydunay mardománi sezá cha shomay sezá o azábá ásánter o kamtera bit.

Mattá 24:35

Zemin o ásmán gára bant, bale mani habar hechbar gár o zyána nabant.

Mattá 25:31

Wahdé Ensánay Chokk gón wati mazanén shán o marháhá préshtagáni hamráhiá kayt, gorhá wati porshawkatén tahtay sará nendit.

Pulosay kágad pa Rumián 2:5

Bale taw gón wati nápashómán o sengén delá, pa kahr o gazabay róchá pa wat kahr o gazab ambára kanay, hamá róchá ke Hodáay ádelén dádrasi záhera bit.

Petrosay Domi Kágad 3:7

Cha hamá hokm o habará ham sajjahén ásmán o é zemin, pa ásá gechén kanag butag o tán dádrasiay róch o nábáwarén mardománi tabáhi o zawál bayagá dárag butagant.

Elhám 12:8

Bale azhdiá sarzór nabut o cha ed o rand ásmáná pa áiá o áiay préshtagán jágahé nabut.

Elhám 16:20

Har jazirah gár but o hecch kóh pasht nakapt.

Elhám 19:11

Man dist ke ásmánay dap pach ent o mani démá espétén asp o aspswáré. Aspswáray nám “Wapádár o Rást” at. Pa adl dádrasia kant o pa adl jang ham kant.

Elhám 20:2

O áiá azhdiá gept o pa hazár sálá bast, bezán hamá kadimi már ke Eblis o Shaytán ent.

Elhám 21:1

Randá man nókén ásmán o nókén zeminé dist chéá ke awali ásmán o awali zemin gár butagatant o daryá ham nun néstat.

Elhám 21:5

Hamá ke tahtay sará neshtagat, gwashti: “Bechár, man sajjahén chizzán cha nóksará addha kanán.” Padá gwashti: “Nebeshtah kan, chéá ke é habar porehtebár o rást ant.”

Elhám 4:2

Hamá damáná Hodáay Ruh mani delá potert o man dist ta arshá tahté ér ent o yakké tahtay sará neshtag.

Elhám 6:14

Ásmán chó nazz átkagén tumáréá shot o har kóh o har jazirah cha wati jáhá sorénag but.