Elhám 2:9 - Hodáay Pákén Ketáb Balochi zobáná

⁹ Man tai ázár o nézgáriá sarpad án bale taw hastómand ay. Á koprána zánán ke hamá mardomán kortagant ke watá Yahudia gwashant bale Yahudi naant. Á Shaytánay kanisahé ant.

Elhám 2:9 Iomraidhean Croise

Mattá 4:10

Gorhá Issáyá gwasht: “Oo Shaytán! Cha mani démá gom bay! Pákén Ketábá nebisag butag: Wati Hodáwandén Hodáyá parastesh bekan o tahná hamáiay hezmatá bekan.”

Luká 12:21

Esh ent á mardomay ásar o ákebat ke pa wat mál ambára kant bale Hodáay gwará hastómand naent.”

Luká 22:65

Dega bázén bad o radé ham gwashtesh.

Luká 4:18

“Hodáwanday Ruh mani sará ent, áiá maná rógen per moshtag tánke wár o nézgárán wasshén mestágé berasénán, maná démi dátag ke bandig o asirán ázátiay basháratá bedayán o pa kórán bináiay mestágá berasénán, zolm distagénán berakkénán o

Luká 6:20

Issáyá wati moridáni némagá cháret o gwashti: “Bahtáwar ét shomá ke wár o bazzag ét, chéá ke Hodáay bádsháhi shomayg ent.

Yuhanná 16:33

Man é chizz shomárá gwashtant ke mani barkatá shomárá émeni o ásudagi berasit. Jaháná shomárá dard o ranja rasit, bale delá dhaddh kanét, chéá ke man jahánay sará báládast butagán.”

Kásedáni Kár 14:22

Moridesh sar o sój kort o delbaddhi dátant ke wati báwará mohr bedárant. Gwashtesh: “Má, gón bázén sakki o sóriáni saggagá Hodáay bádsháhiá shota kanén.”

Kásedáni Kár 26:11

Báz randá sajjahén kanisaháni tahá, man á pa kopr kanagá hojj kortagant. Maná badwáhi o kénagá anchosh ganók kortagat ke pa áyáni ázár rasénagá, dhanni shahrán ham shotagatán.

Pulosay kágad pa Rumián 12:12

Pa ométwári gal o shádehi bekanét, sakkiáni tahá sabr o ópár pésh bedárét o wati dwáyán mohr bóshtét.

Pulosay kágad pa Rumián 2:17

Bale agan taw watá Yahudié zánay o Sharyatay sará tawkala kanay, agan gón Hodáyá wati nazzikkiay sará pahra banday,

Pulosay kágad pa Rumián 5:3

Tahná eshiay sará na, wati sakkiáni sará ham gal o shádehia kanén, chéá ke zánén sakkiay bar o samar sabr o ópár ent.

Pulosay kágad pa Rumián 8:35

Kay márá cha Issá Masihay mehrá jetá korta kant? Sakki o sóri yá parésháni, ázár yá dhokkál, jándari, hatar yá zahmay zráb?

Pulosay kágad pa Rumián 9:6

Chosh naent ke Hodáay habará prósh wártag. Chéá ke har Bani Esráilié, Esráili naent.

Pa Tesálunikián Pulosay awali kágad 3:4

Wahdé shomay kerrá atén, má shomárá cha pésará gwasht ke máshomá ázár dayaga bén o anchosh but, shomá sharriá zánét.

Pa Timutáusá Pulosay awali kágad 1:13

Har chont ke pésará kopr kanók, ázár dayók o sheddatién mardomé atán, bale Hodáwandá mani sará rahm kort, chéá ke man cha wati nábáwariá zánagá naatán ke ché kanagá án.

Pa Timutáusá Pulosay awali kágad 6:18

É mardomán sój beday ke sharrén kár bekanant, nékiá sarréch o málá daspach bebant.

Elhám 1:9

Man, Yuhanná, shomay brát án o hamá ázár, bádsháhi o sabr o ópárá shomay hamráh án ke márá Issáay námay sawabá rasant. Man Hodáay habar o Issáay sháhediay sawabá Patmusay jazirahá atán.

Elhám 2:13

Mana zánán taw kojá jahmenend ay, hamódá ke Shaytánay taht ent, bale taw mani nám mohr dáshtag. Taw mani wapádárén sháhed, Antipásay wahdá ham mani sará báwar kanagá enkár nakort, hamá Antipás ke shomay nyámá koshag but, hamódá ke Shaytán jahmenend ent.

Elhám 2:2

Man tai kárána zánán, tai zahmatkasshi o sabr o ópárá. Mana zánán ke taw badén mardomán saggeta nakanay, hamáyán ke watá kásed gwashtag bale nabutagant, taw á mardom chakkásetagant o distag ke drógband ant.

Elhám 2:24

Bale Tyátirahay é dega mardom, shomá ke é tálimay mannók naét o “Shaytánay johlén rázán”, anchosh ke lahténa gwashit, sharriá sarpad naét, é gappán shomárá gwashán: “Shomay sará dega gránén báré naladdhán,

Elhám 3:9

Bechár, man cha Shaytánay kanisahay mardomán lahtén tará dayán, cha hamáyán ke watá Yahudia gwashant bale Yahudi naant o dróga bandant. Bechár, man áyána parmáyán, á káyant, tai pádáni démá kapant o sarpada bant ke man tará dóst dáshtag.

Elhám 7:14

Man passaw dát: “Wájah! Taw wata zánay.” Nun áiá gón man gwasht: “É hamá ant ke cha mazanén azábá dar átkagant o wati póshákesh gón Gwarándhay hóná shoshtag o espét kortagant.