Elhám 19:4 - Hodáay Pákén Ketáb Balochi zobáná

⁴ Padá bist o chárén kamásh o chárén sahdár dém pa chér kaptant. Tahtay sará neshtagén Hodáesh parastesh kort, gwashtesh: “Ámin. Hodáwandá benázénét, Halléluyá.”

Elhám 19:4 Iomraidhean Croise

Zabur 104:35

Bale gonahkár cha zeminá gár o gomsár bátant o badkár pasht makapátant. Hodáwandá benázén, oo mani arwáh! Hodáwandá benázénét, Halléluyá.

Zabur 106:48

Hodáwandá satá o saná bát, Esráilay Hodáyá, abad tán abad. Sajjahén mardom begwashátant: “Anchosh bát. Ámin.” Hodáwandá benázénét, Halléluyá.

Zabur 41:13

Hodáwandá satá bát, Esráilay Hodáyá, cha azal tán abad. Anchosh bát. Ámin.

Zabur 72:19

Áiay porshawkatén námá tán abad satá bát, áiay shán o shawkat sajjahén zeminá begerát. Anchosh bát. Ámin.

Zabur 89:52

Hodáwandá tán abad satá bát. Anchosh bát. Ámin.

Mattá 28:20

áyán dars o sabakk bedayét ke mani sajjahén hokm o parmánáni sará kár bekanant. Deljam bebét, man tán donyáay halásiá, modám gón shomá gón án.”

Mattá 6:13

Márá ázmáesh o chakkásá dawr maday o cha Shaytáná berakkén.’

Elhám 15:7

Padá cha chárén sahdárán yakkéá haptén préshtagáná hapt teláhén darp dát ke cha Hodáay gazabá porr atant, abad tán abad zendagén Hodáay gazabá.

Elhám 19:1

Cha é chizzán o rand man anchén mazanén tawáré eshkot, gwashaygá ásmáná sakkén baláhén mocchiéay tawár at, gwashagá atant: “Hodáwandá benázénét, Halléluyá. Rakkénag o shawkat o zór may Hodáayg ant,

Elhám 19:3

O áyán yakk randé padá gwasht: “Hodáwandá benázénét, Halléluyá. Abad tán abad cha kahbagá dutt chesta bit.”

Elhám 19:6

Padá man anchén tawár eshkot ke chó mazanén mocchi o bázén áp o trondén grandáni tawárá atant ke gwashtesh: “Hodáwandá benázénét, Halléluyá. Chéá ke may porwákén Hodáwandén Hodá hokmránia kant.

Elhám 5:14

Chárén sahdárán “ámin” gwasht, kamásh dém pa chér kaptant o Hodá o Gwarándhesh názént.