Elhám 15:4 - Hodáay Pákén Ketáb Balochi zobáná

⁴ Kay ent ke cha taw natorsit, oo Hodáwand! Kay ent ke tai námá shawkata nadant? Chéá ke tahná taw pák ay. Sajjahén kawma káyant o tai bárgáhá tará parastesha kanant, chéá ke tai ádelén kár záher butagant.”

Elhám 15:4 Iomraidhean Croise

Zabur 105:7

Á, Hodáwand may Hodá ent. Áiay dádrasi sajjahén jaháná rasant.

Zabur 111:9

Áiá wati kawm móketag, tán abad wati ahd o karári barjam dáshtag. Áiay nám pák o bákamál ent.

Zabur 22:23

Shomá, oo Hodátorsán! Áiá benázénét. Oo Ákubay sajjahén chokk o óbádagán! Áiá ezzat o shán bedayét. Oo Esráilay padréchán! Áiay haybatá bechárét.

Zabur 22:27

Zeminay chárén kondh áiá yáta kanant o dém pa Hodáwandá pera tarrant, sajjahén kawmáni hándán o kothom áiay bárgáhá sará jahla kanant.

Zabur 22:3

Angat ham taw pák o palgár ay, Bani Esráil tará názénit ke taw pa bádsháhi neshtagay.

Zabur 86:9

Oo Hodáwand! Tai jórh kortagén sajjahén kawma káyant o tará sojdaha kanant, tai námá shán o shawkata dayant,

Zabur 89:7

Hodáay tors ásmáni hastiáni nyámá sakk mazan ent, á cha wati chapp o chágerday sajjahénán bákamálter ent.

Zabur 97:8

Sahyun eshkont o shádehia kant o Yahudiahay jenek gal ant cha tai dadrasiá, oo Hodáwand!

Zabur 99:5

May Hodáwandén Hodáyá shán o shawkat dayét o áiay pádáni padagay démá parastesh kanét, ke á pák ent.

Zabur 99:9

May Hodáwandén Hodáyá shán o shawkat bedayét, áiay pákén kóhay sará áiá parastesh kanét, ke Hodáwand, may Hodá pák ent.

Pulosay kágad pa Rumián 15:9

tánke darkawm, Hodáyá pa áiay rahmatán satá o saná bekanant. Anchosh ke nebisag butag: “Paméshká tará kawmáni nyámá satá kanán o tai námá názénán.”

Petrosay Awal Kágad 1:16

Chéá ke nebisag butag: “Man pák án o shomá ham báyad ent pák bebét.”

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 14:7

Gón borzén tawáréá gwashti: “Hodáay bimmá delá bedárét o áiá shán o shawkat bedayét chéá ke áiay dádrasiay sáhat átkag o rasetag. Hamáiá parastesh bekanét ke ásmán o zemin, daryá o ápi chammagi jórh kortagant.”

Elhám 16:5

Gorhá man eshkot ke ápáni préshtag gwashagá at: “Taw ádel ay, taw ke hastay o butagay, oo Pákén! Chéá ke taw é dádrasi kortagant.

Elhám 16:7

O man eshkot ke korbánjáh gwashagá at: “Haw, oo porwákén Hodáwandén Hodá! Tai dádrasi rást o pa adl ant.”

Elhám 19:2

chéá ke áiay dádrasi rást o pa adl ant. Áiá hamá mazanén kahbag sezá dátag ke zemini gón wati zenahkárián gomráh kortagat. Hodáyá cha áiá wati hezmatkáráni hónay bér geptag.”

Elhám 19:8

Áiá lilomén, rozhná o sapáén god, pa gwará kanagá dayag butag.” Lilomén god, Hodáay palgártagén mardománi pahrézkári ant.

Elhám 3:7

Pa Piládelpiáay kelisáay préshtagá nebeshtah kan: É habar hamáiayg ant ke pák o rást ent, hamáiayg ke Dáuday keliti dastá ent. Á chizzá ke á pach bekant, kassi band korta nakant o á chizzá ke á band bekant, kassi pach korta nakant. Á chosha gwashit:

Elhám 4:8

Cha é chárén sahdárán har yakkéá shash bánzol o har némagá chamm per at, bánzoláni chérá ham. É hecch bassa nakanant o shap o róch gwashagá ant: “Pák ent, pák ent, pák ent, porwákén Hodáwandén Hodá pák ent, hamá ke hast butag, hastent o áyagi ent.”

Elhám 6:10

Zár zárá gréwag o gwashagá atant: “Oo pák o rástén Hodáwand! Tán kadén dádrasia nakanay o may hónay bérá cha zeminay sará neshtagénána nageray?”