Elhám 14:2 - Hodáay Pákén Ketáb Balochi zobáná

² O man tawáré cha ásmáná eshkot, chó bázén ápáni tawárá, purah baláhén grandéay tawár at. É tawár ke man eshkot purah chang janók atant ke wati changán janagá atant.

Elhám 14:2 Iomraidhean Croise

Zabur 147:7

Hodáwandá gón shogrgozári benázénét, pa may Hodáyá soróz o chang bejanét.

Zabur 149:3

Gón nách áiay námá satá bedayát o áiá gón zháng o chang benázénátant.

Zabur 33:2

Hodáwandá gón chang benázénét, gón dahtárén changá pa áiá sáz bejanét.

Zabur 43:4

Á wahdi Hodáay korbánjáhá rawán, dém pa Hodáyá ke mani wasshi o shádehi ent. Oo Hodá, mani Hodá! Tará gón changá názénán.

Zabur 57:8

Oo mani arwáh! Ágáh bay. Oo chang o soródán! Ágáh bét. Man bámgwáhá cha wábá páda kanán.

Zabur 92:3

gón dahtárén tamburag o changay zémelá wassh ent.

Zabur 93:4

Hodáwand cha mazanén ápáni tawárán, cha daryáay chawláni proshagá mazanshánter ent, borzén arshá.

Zabur 98:5

Pa Hodáwandá chang o sáz bejanét, gón sázá sawt bejanét.

Dargwaz 19:16

Chó but ke sayomi róchay sohbá grand o gerók but o kóhay sará bazén jambaré záher but o karnáay anchén trondén tawáré chest but ke ordgáhay sajjahén mardom cha torsá larzetant.

Dargwaz 20:18

Wahdé sajjahén mardomán dist ke grand o gerók ent o karnáay tawár ent o duttéá kóh póshetag, cha torsá larzet o dur óshtátant.

Elhám 1:10

Hodáwanday róchá Hodáay Ruh mani delá potert o man eshkot ke poshtá borzén tawáré but, gwashaygá karnáay tawáré at.

Elhám 1:15

Pádi purah táptagén brenj atant ke ásay kurahéá rók atant o tawári chó bázén ápáni tawárá at.

Elhám 11:12

Padá eshán borzén tawáré eshkot ke cha ásmáná gón eshán gwashagá at: “Edá, borzád byáét.” Esháni dozhmen cháragá atant o é, jambaréay tahá borzád ásmáná shotant.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 15:2

Padá man chizzé dist, daryáéay paymá at bale chó shisshagá at, gón ásá hawár. O man dist shisshagi daryáay kashá hamá óshtátagatant ke rastaray sará o áiay bot o námay nambaray sará sóbén butagatant. Changesh dastá at ke Hodáyá dátagatant.

Elhám 18:22

Chang janók, sázger, nal o sorná janókáni sázay tawár padá hechbar tai tahá eshkonaga nabit. Hecch honaray honarmand padá hechbar tai tahá shóház kanaga nabit. Jenteri tawáré padá hechbar tai tahá eshkonaga nabit.

Elhám 5:8

Wahdé tumári zort chárén sahdár o bist o chárén kamásh Gwarándhay démá kaptant, har yakkéá changé dastá at o teláhén darpesh gón at ke sóchokiá porr atant. É Hodáay palgártagén mardománi dwá atant.

Elhám 6:1

Man dist ke Gwarándhá cha haptén mohrán awali pach kort o man eshkot cha chárén sahdárán yakké granday tawáray paymá gwashagá at: “Byá.”

Elhám 8:7

Awaligá wati karná jat, tróngal o ás gón hóná hawár zeminay sará ér réchag but. Zeminay sayyakk ásá ér bort, drachkáni sayyakk ásá ér bort o sajjahén sabzén káh ásá ér bortant.