Elhám 11:17 - Hodáay Pákén Ketáb Balochi zobáná

¹⁷ Gwashtesh: “Porwákén Hodáwandén Hodá! Má tai shográ gerén, hamá ke hastent o hast butag, chéá ke taw wati mazanén zór o wák dastá geptag o hokmráni bendát kortag.

Elhám 11:17 Iomraidhean Croise

Pédáesh 17:1

Ebrámá ke nawad o noh sál but, Hodáwand áiay démá záher but o gwashti: “Man porwákén Hodá án, mani ráhá beraw o pa bémayári zend begwázén.

Zabur 21:13

Oo Hodáwand! Gón wati zór o twáná anchosh maz‌anshán bátay. Tai wák o kodratá satá kanén o názénén.

Zabur 57:11

Oo Hodá! Ásmánáni sará bátay, tai shawkat sajjahén zeminá sheng bát.

Dányál 2:23

Oo mani pet o pirokáni Hodá! Man tai shográ gerán o tai tawsipá kanán, chéá ke taw maná zór o hekmat dátag. Annun ham é taw ay ke pa man hamá chizzet záher kortag ke má cha taw lóthetag, chéá ke taw nun bádsháhay jérhah pa má paddar kortag.”

Dányál 6:10

Nun wahdé Dányál sahig but ke choshén parmáné dashatt kanag butag, wati lógay hamá borzi kóthiá shot ke darigi dém pa Urshalimá pacha butant o anchó ke modám kortagati, róché say randá kóndhána kapt, dwáia kort o wati Hodáay shogria gept.

Mattá 11:25

Á wahdá Issáyá gwasht: “Oo mani Pet, zemin o ásmánay Hodábond! Tará satá kanán o sárháyán ke taw é ráz o habar cha zántkár o hóshmandán chér dátant o kódakáni sará paddar kortant.

Luká 10:21

Hamá damáná, gón Pákén Ruhá gal o shádán, Issáyá gwasht: “Oo Pet, zemin o ásmánay Hodábond! Tará satá kanán o sárháyán ke taw é ráz o habar cha zántkár o hóshmandán chér dátant o kódakáni sará paddar kortant. Oo Pet! Taw cha wati razá o wáhagá é dhawlá kort.

Yuhanná 11:41

Gorhá dhókesh dur kort. Issáyá ásmánay némagá cháret o gwashti: “Oo Pet! Tai shográ gerán ke taw mani habar gósh dásht.

Pa Timutáusá Pulosay awali kágad 1:12

May Hodáwandén Issá Masih ke maná zór o wáki dátag, man áiay shográ gerán ke áiá maná wapádár zánt o pa wati hezmatkáriá dásht.

Elhám 1:4

Cha Yuhannáay némagá, pa Ásiáay damagay haptén kelisáyán: Cha hamáiay jenday némagá ke hastent, hast butag o áyagi ent, cha hamá haptén ruháni némagá ke áiay bádsháhi tahtay démá ant o cha wapádárén sháhed Issá Masihay némagá shomárá rahmat o émeni sar bát. Issá Masih hamá awali ent ke cha mordagán zendag butag o donyáay bádsháháni hákem ent. Shán o shawkat o zór, abad tán abad hamáiá sar bát ke márá dósta dárit o gón wati hóná márá cha gonáhán ázáti kortag o dini péshwá o bádsháhié jórhi kortag ke áiay Hodáén Petay hezmatá bekanén. Anchosh bát. Ámin.

Elhám 1:8

Hodáwandén Hodá gwashit: “Bendát man án o halási man án, hamá ke hastent, hast butag o áyagi ent, porwák, á man án.”

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 15:3

Áyán Hodáay hezmatkár Mussáay sawt dapá at o Gwarándhay sawt ham. Gwashagá atant: “Tai kár mazan o hayrán kanók ant, oo porwákén Hodáwandén Hodá! Tai ráh pa adl o rásti ant, oo kawmáni bádsháh!

Elhám 16:14

É hamá palitén ruh ant ke mójezah pésha dárant o sajjahén donyáay bádsháháni kerrá rawant ke áyán pa jang kanagá yakjáh bekanant, hamá jang ke porwákén Hodáay mazanén róchá bit.

Elhám 16:5

Gorhá man eshkot ke ápáni préshtag gwashagá at: “Taw ádel ay, taw ke hastay o butagay, oo Pákén! Chéá ke taw é dádrasi kortagant.

Elhám 16:7

O man eshkot ke korbánjáh gwashagá at: “Haw, oo porwákén Hodáwandén Hodá! Tai dádrasi rást o pa adl ant.”

Elhám 18:8

Esháni sawabá yakk róchéay tahá áiay azáb, bezán mark, pors o dhokkála káyant o á gón ásá sóchaga bit, chéá ke Hodáwandén Hodá porwák ent o áiay dádrasiá kant.”

Elhám 19:11

Man dist ke ásmánay dap pach ent o mani démá espétén asp o aspswáré. Aspswáray nám “Wapádár o Rást” at. Pa adl dádrasia kant o pa adl jang ham kant.

Elhám 19:6

Padá man anchén tawár eshkot ke chó mazanén mocchi o bázén áp o trondén grandáni tawárá atant ke gwashtesh: “Hodáwandá benázénét, Halléluyá. Chéá ke may porwákén Hodáwandén Hodá hokmránia kant.