Elhám 1:20 - Hodáay Pákén Ketáb Balochi zobáná

²⁰ Haptén estár ke taw mani rástén dastá distant, áyáni o haptén teláhén cherágdánáni ráz esh ent: haptén estár haptén kelisáyáni préshtag ant o haptén cherágdán haptén kelisá ant.”

Elhám 1:20 Iomraidhean Croise

Dargwaz 25:37

Hapt cherág addh kan o cherágdáná peresh kan ke cherágdánay démay jágahá rozhná bekanant.

Dargwaz 37:23

Pa cherágdáná hapt cherági addh kort o cherágdánay sambálagay awzár o sámáni cha zagrén teláhá addh kortant.

Mattá 13:11

Áyáni passawá gwashti: “Hodáyá é zánt shomárá dátag ke ásmáni bádsháhiay rázán sarpad bebét, bale á dega mardománá nadátagi.

Luká 8:10

Áiá passaw dát: “Hodáyá shomay delay chamm pach kortagant, ke shomá áiay bádsháhiay rázán sarpad bebét, bale pa á dega mardomán, mesál o darwar ant o bass, tánke: ‘gón chammán bechárant, bale magendant gón góshán beshkonant, bale sarkech mawarant.’

Pulosay kágad pa Rumián 11:25

Oo brátán! Chó mabit watá cha wati kadd o kesásá master bezánét. Paméshká nalóthán cha é rázá násarpad bebét ke Esráilay yakk bahréay sará sakdeli tán hamá wahdá átkag ke darkawm sarjamiá byáyant gón.

Elhám 1:11

Gwashti: “É chizzán ke taw genday, ketábéay tahá nebeshtahesh kan o pa haptén kelisáyán démesh day, pa Epésos, Samurná, Pergámum, Tyátirah, Sárdis, Piládelpiá o Lawdikiáay kelisáyán.”

Elhám 1:16

Hapt estári rástén dastá at o cha áiay dapá dodapén tézén zahmé dar áyagá at. Démi gón wati sarjamén rozhná chó róchá drapshagá at.

Elhám 1:4

Cha Yuhannáay némagá, pa Ásiáay damagay haptén kelisáyán: Cha hamáiay jenday némagá ke hastent, hast butag o áyagi ent, cha hamá haptén ruháni némagá ke áiay bádsháhi tahtay démá ant o cha wapádárén sháhed Issá Masihay némagá shomárá rahmat o émeni sar bát. Issá Masih hamá awali ent ke cha mordagán zendag butag o donyáay bádsháháni hákem ent. Shán o shawkat o zór, abad tán abad hamáiá sar bát ke márá dósta dárit o gón wati hóná márá cha gonáhán ázáti kortag o dini péshwá o bádsháhié jórhi kortag ke áiay Hodáén Petay hezmatá bekanén. Anchosh bát. Ámin.

Elhám 17:5

Áiay péshánigá námé nebeshtah at ke rázé at: “Mazanén Bábel. Kahbagáni o zeminay palitiáni mát”.

Elhám 17:7

Préshtagá gón man gwasht: “Taw parchá hayrán ay? Man tará é janén o hamá hapt sarag o dah kánthi rastaray rázá gwashán ke janén áiá swár ent.

Elhám 2:1

Pa Epésosay kelisáay préshtagá nebeshtah kan: É habar hamáiayg ant ke haptén estári rástén dastá ant o haptén teláhén cherágdánáni nyámá gám janagá ent. Á chosha gwashit:

Elhám 2:12

Pa Pergámumay kelisáay préshtagá nebeshtah kan: É hamáiay habar ant ke dodapén tézén zahmi gón ent. Á chosha gwashit:

Elhám 2:18

Pa Tyátirahay kelisáay préshtagá nebeshtah kan: É Hodáay Chokkay habar ant, hamáiay ke chammi chó ásay bránzá ant o pádi purah táptagén brenj. Á chosha gwashit:

Elhám 2:5

Paméshká yát kan ke cha kojá kaptagay. Tawbah kan o hamá kárán bekan ke taw bendátá kortagant. Agan wati pashómániet záher nakort, man pa taw pédák án o tai cherágdáná cha áiay jágahá dura kanán.

Elhám 2:8

Pa Samurnáay kelisáay préshtagá nebeshtah kan: É hamá awali o áheriay habar ant ke mortagat o padá zendag but. Á chosha gwashit:

Elhám 3:1

Pa Sárdisay kelisáay préshtagá nebeshtah kan: É hamáiay habar ant ke haptén estár o Hodáay haptén Ruhi gón ant. Á chosha gwashit: Man tai kárána zánán. Taw námé dar áwortag ke zendag ay, bale aslá mortagay.

Elhám 3:14

Pa Lawdikiáay kelisáay préshtagá nebeshtah kan: É habar “Ámin”, wapádár o rástén sháhed, Hodáay addh kortagénáni sarchammagay habar ant. Á chosha gwashit:

Elhám 3:7

Pa Piládelpiáay kelisáay préshtagá nebeshtah kan: É habar hamáiayg ant ke pák o rást ent, hamáiayg ke Dáuday keliti dastá ent. Á chizzá ke á pach bekant, kassi band korta nakant o á chizzá ke á band bekant, kassi pach korta nakant. Á chosha gwashit: