Dargwaz 3:6 - Hodáay Pákén Ketáb Balochi zobáná

⁶ Hodáyá padá gwasht: “Man tai petay Hodá án, Ebráhémay Hodá, Esákay Hodá o Ákubay Hodá án.” Mussáyá Hodáay chárag torset o wati démi gept.

Dargwaz 3:6 Iomraidhean Croise

Pédáesh 12:1

Hodáwandá gón Ebrámá gwasht: “Wati molk, wati syád o wáres o wati petay lógá yalah day o cha edá hamá molká beraw ke man tará péshia dárán.

Pédáesh 12:7

Bale Hodáwand, Ebrámay démá záher but o gwashti: “Cha mani némagá é sardhagár tai nasl o padréchayg ent.” Gorhá Ebrámá ódá pa Hodáwandá, ke áiay démá záher butagat, korbánjáhé addh kort.

Pédáesh 17:3

Gorhá Ebrám dém pa chér kapt o Hodáyá gón áiá gwasht:

Pédáesh 24:12

Áiá dwá kort o gwasht: “Oo Hodáwand! Mani wájahén Ebráhémay Hodá! Maróchi maná sóbén kan o mani wájahén Ebráhémay sará mehrabán bay.

Pédáesh 26:24

Hamá shapá Hodáwand áiay démá záher but o gwashti: “Man tai pet Ebráhémay Hodá án. Mators, chéá ke man gón taw gón án. Man wati hezmatkár Ebráhémay sawabá tará barkata dayán o tai nasl o padréchá géshá gésha kanán.”

Pédáesh 28:13

Hodáwand cha padánká borzter óshtátagat. Gwashti: “Man Hodáwand án, tai pet Ebráhémay Hodá o Esákay Hodá. É zeminay sará ke taw annun waptagay, man eshiá tará o tai nasl o padréchárá dayán.

Pédáesh 28:17

Torset o gwashti: “É jágah delá ápa kant. É allamá Hodáay jenday lóg ent, arshay darwázag ent.”

Pédáesh 31:42

Agan mani petay Hodá, Ebráhémay Hodá o Esákay Hodá gón man gón mabutén, allamá taw maná hórk o háligén dastán ráh dátagat, bale Hodáyá mani bazzagi o zahmat distag o dóshi tará neherr o hakkali dátag.”

Pédáesh 32:9

Gorhá Ákubá dwá kort: “Oo mani pet Ebráhémay Hodá! Mani pet Esákay Hodá! Oo hamá Hodáwand ke gón man gwashtet: ‘Molká wati syádáni kerrá wátarr kan ke man tará sabz o ábáda kanán!’

Zabur 132:2

Gón Hodáwandá sawgendé wárti o gón Ákubay zórmandén Hodáyá kawli kort o gwashti:

Dargwaz 15:2

Hodáwand mani zór o wák o mani názénk ent. Hodáwand pa man nejáté but. Mani Hodá ent, mana názénáni. Mani petay Hodá ent o man áiá satá o saná kanán.

Dargwaz 29:45

Man Esráiliáni nyámá jahmenenda bán o áyáni Hodá bán.

Dargwaz 3:16

Beraw Esráilay kamáshán yakjáh kan o gón áyán begwash ke Hodáwand, bezán shomay bonpirokáni Hodá, Ebráhém o Esák o Ákubay Hodá mani démá záher butag o gón man gwashtagi ke man cha nazzikká distag ke Mesrá gón shomá ché butag o

Dargwaz 33:20

Taw mani démá dista nakanay, chéá ke harkasá ke mani dém dist, zendaga namánit.

Dargwaz 4:5

Hodáwandá gwasht: “É neshániá ke záhera kanay, gorhá Esráili báwara kanant ke mane Hodáwand bezán áyáni bonpirokáni Hodá, Ebráhémay Hodá, Esákay Hodá o Ákubay Hodá tai démá záher butag.”

Mattá 17:6

Wahdé moridán é tawár eshkot, sakk torsetesh o dém pa chér kaptant.

Mattá 22:32

Man án, Ebráhémay Hodá, Esákay Hodá o Ákubay Hodá? Bezán á, mordagáni Hodá naent, zendagénáni Hodá ent.”

Markás 12:26

Mordagáni padá zendag bayag o jáh janagay bárawá, záná shomá Mussáay ketábá bon geptagén dhólokay kessah nawántag, ke Hodáyá gón Mussáyá chón habar kort? ‘Man án, Ebráhémay Hodá, Esákay Hodá o Ákubay Hodá.’

Luká 20:37

Bale mordagáni zendag bayagay habaray rásti, Mussáyá mán bon geptagén dhólokay kessahá pésh dáshtag. Ódá Mussá Hodáwandén Hodáyá, Ebráhémay Hodá, Esákay Hodá o Ákubay Hodá gwashit.

Luká 5:8

Wahdé Shamun Petrosá é kár dist, cha torsá Issáay pádán kapt o gwashti: “Oo Hodáwand! Maná yalah day o beraw, chéá ke man gonahkáré án.”

Kásedáni Kár 7:32

‘Man tai pet o pirok Ebráhém, Esák o Ákubay Hodá án.’ Mussá cha torsá larzagá lagget o áiá tahm o joryat nakort á némagá bechárit.

Kásedáni Kár 7:34

Man Mesray sardhagárá wati mardománi sakki o sóri distagant, áyáni peryát o zári eshkotagant, pa áyáni rakkénag o ázát kanagá ér átkagán. Byá, nun man tará padá Mesrá rawána dayán.’

Elhám 1:17

Man ke dist, purah mordagé bután o áiay pádáni démá kaptán. Wati rástén dasti mani sará ér kort o gwashti: “Mators, man awali o áheri án.