Dargwaz 1:22 - Hodáay Pákén Ketáb Balochi zobáná

²² Gorhá Perawná wati sajjahén mardom hokm dát o gwashtant: “Har Ebráni mardénchokké ke pédá bit, áiá Nillay kawrá dawr bedayét, bale Ebráni jenekkán bellét.”

Dargwaz 1:22 Iomraidhean Croise

Pédáesh 41:1

Do sálá rand Perawná wábé dist ke Nillay kawray kerrá óshtátagán.

Zabur 105:25

Dozhmenáni deli gardént tán cha áiay kawmá naprat bekanant o áiay hezmatkáráni helápá pandal besázant.

Dargwaz 1:16

Gón eshán gwashti: “Wahdé shomá Ebráni janénán chokmát kanét, chellagiay bashánahá bechárét, agan chokk bachakké, bekoshéti o agan jenekké, belléti.”

Dargwaz 2:6

Perawnay jenekká sapt pach kort o nonnok dist. Nonnok gréwagá at. Perawnay jenekká áiay sará bazzag but. Gwashti: “É cha Ebrániáni chokkán ent.”

Kásedáni Kár 7:19

Áiá may kawm rad dát o répént, may pirénáni sará báz zolm o zóráki perrént o hojj kortant ke wati nonnokén chokkán, cha lógán dhanná dawr bedayant ke bemerant.