Dányál 7:9 - Hodáay Pákén Ketáb Balochi zobáná

⁹ Man angat cháragá atán ke bádsháhi taht árag o ér kanag butant o hamá ke cha zamánagán hastent, átk o nesht. Áiay póshák chó barpá o saray mud, pazhmay dhawlá espét atant. Áiay taht, ásay bránzé at o tahtay chahr warókén pádag, rókén ás atant.

Dányál 7:9 Iomraidhean Croise

Zabur 45:8

Sajjahén jámaget gón morr o aud o tójá moshtag o washbó butagant. Ájén kasráni tahá simmi sázáni zémel tará shádána kanant.

Zabur 90:2

Cha kóháni pédá bayag o zemin o jahánay addh kanagá pésar, cha azal tán abad, Hodá taw ay.

Zabur 93:2

Tai bádsháhi taht cha azal barjam ent o taw cha azal hastay.

Dányál 7:13

Man shapay elhámán cháragá atán ta diston, gón ásmáni jambarán ensáni chokkéay dhawléné áyagá at o hamáiay némagá pédák at ke cha zamánagán hastent o áiay démá árag o pésh kanag but.

Dányál 7:22

tánke hamá átk ke cha zamánagán hastent o borzén arshay Hodáay pákénáni hakká dádrasii kort o hamá wahd raset ke é pákénán bádsháhi wati melkat kort.’

Mattá 17:2

Ódá áyáni démá Issáay chehrag o dróshom badal but. Áiay dém róchay dhawlá drapshnák but o god o pósháki, espét espét butant.

Mattá 28:3

Rang o dróshomi gerókay paymá drapshagá at o god o pósháki, barpay dhawlá espét atant.

Markás 9:3

áiay póshák, anchosh espét butant ke jahánay hecch godshódé godán é dhawlá espét o drapshnák korta nakant.

Kásedáni Kár 2:30

Bale á paygambaré at o zántagati Hodáyá sawgend wártag o kawl kortag ke cha áiay naslá yakkéá, áiay bádsháhiay tahtay sará nádénit.

Kásedáni Kár 2:33

Á, Hodáay rástén némagá borzád barag but. Cha Petá, wádah dátagén Pákén Ruh áiá raset o hamá dhawlá ke shomá gendag o eshkonagá ét, nun Pákén Ruhi békesás bakshetag.

Pa Pilipián Pulosay kágad 3:9

gón hamáiá hawár bebán. Maná á pahrézkári mabát ke cha Sharyatay ráhá rasit, hamá páki o palgári maná berasát ke cha Masihay sará báwar kanagá rasit, hamá palgári ke cha Hodáyá rasit, cha imánay ráhá.

Pa Timutáusá Pulosay awali kágad 6:16

hamá ke yakk o tahná namirán ent o áiay dargáh anchén rozhné ke kass ódá raseta nakant o kassá nadistag o disti ham nakant. Áiay sharap o ezzat o zór o wák tán abad barjáh bát. Anchosh bát. Ámin.

Yuhannáay Awali Kágad 1:5

Á kolaw o paygám ke má cha áiá eshkotag o pa shomá jára janén, esh ent: Hodá nur o rozhn ent o áiay arwáh o jabiná hecch tahári nést.

Elhám 1:14

Sar o mudi chó pazhmá espét atant, chó barpá espét, o chammi chó ásay bránzá.

Elhám 19:18

tánke shomá bádsháháni gósht, sáláráni gósht, porwákén mardománi gósht, asp o aspswáráni gósht, sajjahén mardománi gósht, ázát o golámáni o kasán o mazanénáni góshtá bwarét.”

Elhám 20:4

Randá man taht dist o á ke tahtáni sará neshtagatant, áyán dádrasiay ehtiár dayag but. O man hamáyáni arwáh distant ke áyáni sar pa Issáay bárawá sháhedi dayag o Hodáay habaray sawabá borrag butagatant, hamáyáni ke rastar o áiay botesh sojdah nakortagat o wati péshánig yá dastay sará áiay neshánesh nazortagat. Á padá zendag butant o hazár sálá gón Masihá hokmrániesh kort.

Elhám 4:2

Hamá damáná Hodáay Ruh mani delá potert o man dist ta arshá tahté ér ent o yakké tahtay sará neshtag.