Dányál 7:27 - Hodáay Pákén Ketáb Balochi zobáná

²⁷ Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Dányál 7:27 Iomraidhean Croise

Zabur 145:13

Tai bádsháhi abadi bádsháhié o tai hákemi nasláni nasl barjáha mánit.

Zabur 22:27

Zeminay chárén kondh áiá yáta kanant o dém pa Hodáwandá pera tarrant, sajjahén kawmáni hándán o kothom áiay bárgáhá sará jahla kanant.

Zabur 72:11

Sajjahén bádsháh, áiay démá sará jahl bekanátant, sajjahén kawm áiay hezmatá bekanátant.

Zabur 86:9

Oo Hodáwand! Tai jórh kortagén sajjahén kawma káyant o tará sojdaha kanant, tai námá shán o shawkata dayant,

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 4:34

“Bale á rócháni halásiá, mane Nebukadnezará wati chamm ásmánay némagá chest kortant o mani hósh átk. Nun man borzén arshay Hodáay satá o saná kort, hamá Hodá ke tán abada mánit, man shán o ezzat dát. Chéá ke áiay hokmráni abadmánén hokmránié o áiay bádsháhi tán nasláni nasl barjáha mánit.

Dányál 6:26

Man jára janán ke mani bádsháhiay har kondhay mardom, cha Dányálay Hodáay torsá belarzant o hamáiá sharap bedayant. Chéá ke hamá zendagén Hodá ent o modáma mánit. Áiay bádsháhi hechbar tabáh o barbáda nabit o áiay hokmráni hechbar halása nabit.

Dányál 7:14

Hákemi, shán o bádsháhi hameshiá dayag but ke sajjahén kawm o ráj o har zobánay mardom eshiay hezmatá bekanant. Eshiay hokmráni abadmánén hokmránié ke hechbar halása nabit o eshiay bádsháhi hechbar zawála nabit.

Dányál 7:18

Bale bádsháhi, borzén arshay Hodáay pákén mardomán dayaga bit o abad tán abad hamáyáni melkata bit.

Dányál 7:22

tánke hamá átk ke cha zamánagán hastent o borzén arshay Hodáay pákénáni hakká dádrasii kort o hamá wahd raset ke é pákénán bádsháhi wati melkat kort.’

Luká 1:33

Á, Ákubay padréchay sará modám bádsháhia kant o áiay bádsháhi hechbara nakotthit.”

Yuhanná 12:34

Mardomán darráént: “Sharyat márá gwashit ke Masih tán abada mánit. Gorhá taw chóna gwashay ke Ensánay Chokk chest kanaga bit? Ensánay Chokk kay ent?”

Elhám 11:1

Maná kadd o kesás kanagi latthé dayag but o gwashag but: “Pád á, Hodáay parasteshgáhá o korbánjáhá kadd o kesás kan o hamá mardomán hesáb kan ke ódá parastesha kanant.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 17:14

É gón Gwarándhá janga kanant bale Gwarándh eshán prósha dant, chéá ke á, hodáwandáni Hodáwand o bádsháháni Bádsháh ent o hamá ke gón áiá góna bant, áiay tawár jatagén, dar chetagén o wapádárén hamráh ant.”

Elhám 19:16

Áiay kabáh o ránay sará námé nebeshtah ent: “bádsháháni Bádsháh o hodáwandáni Hodáwand.”

Elhám 20:4

Randá man taht dist o á ke tahtáni sará neshtagatant, áyán dádrasiay ehtiár dayag but. O man hamáyáni arwáh distant ke áyáni sar pa Issáay bárawá sháhedi dayag o Hodáay habaray sawabá borrag butagatant, hamáyáni ke rastar o áiay botesh sojdah nakortagat o wati péshánig yá dastay sará áiay neshánesh nazortagat. Á padá zendag butant o hazár sálá gón Masihá hokmrániesh kort.

Elhám 22:5

Ódá hechbar shapa nabit, cherág o róchay rozhnay zalurata nabit, chéá ke Hodáwandén Hodá wat áyáni sará wati rozhná drapshénit o á, abad tán abad hokmránia kanant.