Dányál 7:26 - Hodáay Pákén Ketáb Balochi zobáná

²⁶ Bale diwán pa dádrasiá nendit. Áiay hákemi pach geraga bit o tán abad sarjamiá tabáh o barbád kanaga bit.

Dányál 7:26 Iomraidhean Croise

Dányál 11:45

Á wati bádsháhi tambuán daryáyáni darnyámá, zébáén pákén kóhay lambá jant o é paymá wati goddhi ásará sara bit o kass pa áiay komakká nayayt.

Dányál 7:22

tánke hamá átk ke cha zamánagán hastent o borzén arshay Hodáay pákénáni hakká dádrasii kort o hamá wahd raset ke é pákénán bádsháhi wati melkat kort.’

Pa Tesálunikián Pulosay domi kágad 2:8

Wahdé á dur kanag but, nun bérahbandén mard záhera bit, bale Hodáwandén Issá pa shán o shawkaté kayt o áiá tabáha kant, gón wati dapay hoppéá áiá nést o nábuda kant.

Elhám 11:13

Hamá damáná baláhén zeminchandhé átk o shahray dahyakk tabáh but. Zeminchandhá hapt hazár mardom mort. Pasht kaptagénán sakk báz torset o borzén arshay Hodáesh shán o shawkat dát.

Elhám 17:14

É gón Gwarándhá janga kanant bale Gwarándh eshán prósha dant, chéá ke á, hodáwandáni Hodáwand o bádsháháni Bádsháh ent o hamá ke gón áiá góna bant, áiay tawár jatagén, dar chetagén o wapádárén hamráh ant.”

Elhám 19:2

chéá ke áiay dádrasi rást o pa adl ant. Áiá hamá mazanén kahbag sezá dátag ke zemini gón wati zenahkárián gomráh kortagat. Hodáyá cha áiá wati hezmatkáráni hónay bér geptag.”