Dányál 7:14 - Hodáay Pákén Ketáb Balochi zobáná

¹⁴ Hákemi, shán o bádsháhi hameshiá dayag but ke sajjahén kawm o ráj o har zobánay mardom eshiay hezmatá bekanant. Eshiay hokmráni abadmánén hokmránié ke hechbar halása nabit o eshiay bádsháhi hechbar zawála nabit.

Dányál 7:14 Iomraidhean Croise

Zabur 102:22

hamá wahdá ke kawm o bádsháhi pa Hodáwanday parasteshá yakjáh moccha bant.

Zabur 103:19

Hodáwandá wati bádsháhiay taht ásmánán barjáh dáshtag o áiay bádsháhi sajjahén hastiay sará hákemia kant.

Zabur 145:13

Tai bádsháhi abadi bádsháhié o tai hákemi nasláni nasl barjáha mánit.

Zabur 146:10

Hodáwand tán abad bádsháhia kant, tai Hodá, oo Sahyun, nasláni nasl. Hodáwandá benázénét, Halléluyá.

Zabur 45:6

Oo Hodá! Tai bádsháhi taht modámi o abadmán ent, tai bádsháhi asá, adl o ensápay asá ent.

Zabur 72:11

Sajjahén bádsháh, áiay démá sará jahl bekanátant, sajjahén kawm áiay hezmatá bekanátant.

Zabur 72:17

Bádsháhay nám namirán bát, tán rócha drapshit nám o tawári bemánát. Sajjahén kawm cha áiá barkat begerátant o áiá mobárak begwashátant.

Zabur 8:6

Wati dastay sajjahén káráni sará hákem kort o har chizz áiay pádáni chérá esht.

Dányál 2:35

Padá ásen, patkagén gel, brenj, nograh o teláh, sarjamá yakjáh hurt butant, anchosh ke garmágán jóhánay pog o palár hurta bant, o gwátá ropt o bortant tán áyáni hecch nesháné pasht nakapt. Bale hamá seng ke botá lagget, baláhén kóhé jórh but o sajjahén zemini gept.

Dányál 2:37

Oo bádsháh! Taw bádsháháni bádsháh ay. Hamá ay ke ásmáni Hodáyá tará bádsháhi, kodrat, zór o wák o shán o shawkat dátag o

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 3:4

Gorhá jár janóká gón borzén áwázéá jár jat: “Oo kawm o ráján o har zobánay mardomán! É pa shomá hokmé:

Dányál 4:3

Áiay nesháni zabardast ant o mójezah, porzór. Áiay bádsháhi tán abad hastent o hokmránii nasláni nasl barjáh.

Dányál 6:26

Man jára janán ke mani bádsháhiay har kondhay mardom, cha Dányálay Hodáay torsá belarzant o hamáiá sharap bedayant. Chéá ke hamá zendagén Hodá ent o modáma mánit. Áiay bádsháhi hechbar tabáh o barbáda nabit o áiay hokmráni hechbar halása nabit.

Dányál 7:18

Bale bádsháhi, borzén arshay Hodáay pákén mardomán dayaga bit o abad tán abad hamáyáni melkata bit.

Dányál 7:27

Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Mattá 11:27

Sajjahén chizz, Petá mani dastá dátagant. Abéd cha Petá, hechkas Chokká nazánt. Hamé dhawlá, dega hechkas Petá nazánt, abéd cha Chokká o hamá mardomán ke Chokk belóthit Petá pa áyán paddar bekant.

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.

Luká 1:33

Á, Ákubay padréchay sará modám bádsháhia kant o áiay bádsháhi hechbara nakotthit.”

Luká 10:22

Sajjahén chizz, Petá mani dastá dátagant. Abéd cha Petá, hechkas Chokká nazánt, hamé dhawlá, abéd cha Chokká o hamá mardomán ke Chokk belóthit Petá pa áyán paddar bekant, dega hechkas Petá nazánt.”

Yuhanná 12:34

Mardomán darráént: “Sharyat márá gwashit ke Masih tán abada mánit. Gorhá taw chóna gwashay ke Ensánay Chokk chest kanaga bit? Ensánay Chokk kay ent?”

Yuhanná 3:35

Pet Chokká dósta dárit o sajjahén chizzi hamáiay dastá dátagant.

Petrosay Awal Kágad 3:22

hamá Masih ke ásmáná shotag o nun Hodáay rástén némagá neshtag o préshtag o zór o wák, hamáiay dastay chérá ant.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 17:14

É gón Gwarándhá janga kanant bale Gwarándh eshán prósha dant, chéá ke á, hodáwandáni Hodáwand o bádsháháni Bádsháh ent o hamá ke gón áiá góna bant, áiay tawár jatagén, dar chetagén o wapádárén hamráh ant.”

Elhám 3:21

Hamá ke sóbéna bit, man áiá gón wat, wati tahtay sará nendagay hakká dayán, hamé paymá ke man sóbén bután o gón wati Petá, áiay tahtay sará neshtán.