Dányál 6:7 - Hodáay Pákén Ketáb Balochi zobáná

⁷ Oo bádsháh! Tai sajjahén sarwazir, hákem, wáli, saláhkár o sardárán watmánwatá shawr kortag ke taw yakk sháhi hokmé bedayay ke harkas tán áyókén si róchá tará abéd, dega hodá yá dega mardoméay kerrá dwá belóthit, shéráni gárá dawr dayaga bit.

Dányál 6:7 Iomraidhean Croise

Zabur 10:9

Shéray paymá wati kaminá wadára kant, wadára kant o nezór o nátwánán wati panjagá kárit, panjagá kárit o dámá dawra dant.

Zabur 2:2

Jahánay bádsháh tayára bant o hákem yakjáh mocch, Hodáwand o áiay Masihay helápá óshtant:

Zabur 59:3

Bechár ke che paymá pa mani kóshá kaminesh kortag. Oo Hodáwand! Zórákén mard mani helápá yakjáh butagant, maná hech gonáh o mayáré ham nést.

Zabur 59:5

Oo Hodáwand, oo lashkaráni Hodá! Taw Esráilay Hodá ay, ágáh bay, sajjahén kawmán sezá beday o badkárén dróhókáni sará rahm makan. Ósht...

Zabur 62:4

Albat pandala sázant ke áiá cha borzád sarshakun bekanant. Cha dróg bandagá lezzata barant, gón wati dapá barkata dayant, bale delay tahá nálata kanant. Ósht...

Zabur 83:5

Pa hamdeli shawresh kortag o tai helápá ahdé bastagesh.

Zabur 94:20

Choshén béensápén hákemé gón taw yak o tepák buta kant ke gón wati hokm o kánunán náensápia kárit?

Dányál 2:4

Gorhá nojumián gón bádsháhá Aramái zobáná gwasht: “Oo bádsháh! Modám zendag bátay. Márá wábá begwash. Má pa taw mánáia kanén.”

Dányál 3:11

harkas ke dém pa chéra nakapit o sojdaha nakant, rókén kurahay tahá dawr dayaga bit.’

Dányál 3:2

Áiá wáli, hákem, sardár, saláhkár, hazánagay kelitdár, kázi, monsep o damagay é dega sajjahén mansabdár lóthetant ke byáét o é botay démdaráiay rasmán bahr bezurét ke bádsháh Nebukadnezará mekk kanáéntag.

Dányál 3:27

Wáli, hákem, sardár o bádsháhay saláhkár mocch butant o distesh ke ásá é mardománi badan inchoká ham nageptagat, na áyáni saray mudé pilloshtagat o na áyáni godáni rang badal butagat. Ásay bóá ham kanagá naatant.

Dányál 3:6

Harkas ke dém pa chéra nakapit o sojdaha nakant, hamá damáná rókén kurahá dawr dayaga bit.”

Dányál 6:16

Gorhá bádsháhá hokm dát o Dányál árag o shéráni gárá dawr dayag but. Bádsháhá gón Dányálá gwasht: “Tai hamá Hodá wat tará berakkénát ke taw modám áiay hezmatá kanay.”

Dányál 6:22

Mani Hodáyá wati préshtagé ráh dát ke shéráni dapi bast. Shérán maná hecch táwán nadát. Oo bádsháh! Haminchok ke man Hodáay démá bégonáh án haminchok tai démá ham man hecch radén káré nakortag.”

Mattá 12:14

Bale Parisi dhanná shotant o pa Issáay kóshárénagá shawr o saláhesh kort.

Mattá 26:4

é pandal jórhént ke Issáyá pa yakk repk o honaré begeráénant o bekóshárénant.

Markás 15:1

Sabáhá máhallah mazanén dini péshwá, kawmay kamásh, Sharyatay zánóger o sarókáni diwánay sajjahén básk hamshawr butant o Issáesh bast, gerrán kort o Pilátusay dastá dát.

Yuhanná 12:10

Paméshká mazanén dini péshwáyán Ilázaray koshagay shawr ham kort,