Dányál 4:3 - Hodáay Pákén Ketáb Balochi zobáná

³ Áiay nesháni zabardast ant o mójezah, porzór. Áiay bádsháhi tán abad hastent o hokmránii nasláni nasl barjáh.

Dányál 4:3 Iomraidhean Croise

Zabur 104:24

Oo Hodáwand! Tai kár chinkadar báz ant, taw, é sajjahén pa hekmat addh kortagant, zemin cha tai jórh kortagénán porr ent.

Zabur 105:27

Eshán mardománi nyámá Hodáay ajabbatén nesháni o áiay mójezah pésh dáshtant, Hámay sardhagárá.

Zabur 145:13

Tai bádsháhi abadi bádsháhié o tai hákemi nasláni nasl barjáha mánit.

Zabur 66:7

Á gón wati kodratá tán abad bádsháhia kant, chammi gón kawmán ent. Sarkesh áiay helápá pád mayáyant. Ósht...

Zabur 72:18

Hodáwandén Hodáyá satá bát, Esráilay Hodáyá, ajabén káráni kanók tahná hamá ent.

Zabur 77:19

Tai ráh cha mazanén daryáyá gwast o tai keshk cha mazanén ápán, bale tai pádáni pad gendag nabutant.

Zabur 86:10

ke taw mazan ay o ajabén kára kanay, Hodá tahná taw ay.

Zabur 92:5

Oo Hodáwand! Tai kár chón mazan ant o pegr chenkadar johlánk.

Dányál 2:2

Gorhá bádsháhá jáduger, sáher, jennband o nojumiáni lótháénagay hokm dát ke áiay wábán máná bekanant. Á, átk o bádsháhay démá óshtátant.

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 4:17

É hokmay jár kásedán jatag, pákénán eshiay hokm dátag, tánke zendagén mardom bezánant ke borzén arshay Hodá ensáni bádsháhiáni sará hokmrán ent o é bádsháhián hamá mardomá dant ke Hodáay jenda lóthit. Tantaná kamzátén mardomán ham é bádsháhiáni sará hákema kant.’

Dányál 7:14

Hákemi, shán o bádsháhi hameshiá dayag but ke sajjahén kawm o ráj o har zobánay mardom eshiay hezmatá bekanant. Eshiay hokmráni abadmánén hokmránié ke hechbar halása nabit o eshiay bádsháhi hechbar zawála nabit.

Dányál 7:27

Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Pulosay kágad pa Rumián 11:33

Pokkaw! Hodáay ganj o hekmat o zántay johlánki chinchok báz ent. Áiay shawr o saláh cha zánag o dar géjagá dur ant o ráhi cha shóházá dhann!

Pa Timutáusá Pulosay awali kágad 1:17

Abadmánén bádsháh, bezán hamá yakkén Hodá ke namirán ent o cha chammán chér o andém ent, áiay ezzat o shawkat abad tán abad barjáh bát. Anchosh bát. Ámin.

Petrosay Awal Kágad 4:11

Kasé ke habara kant, Hodáay jenday habarán bekant o kasé ke hezmata kant gón Hodáay dátagén zór o wáká hezmat bekant, tánke cha Issá Masihay wasilahá Hodáyá satá o saná berasit. Sajjahén shán o shawkat o zór o wák abad tán abad hamáiay bátant. Anchosh bát. Ámin.

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”