Dányál 4:25 - Hodáay Pákén Ketáb Balochi zobáná

²⁵ Taw cha ensánán gallénaga bay o jangali jánwaráni darnyámá jahmenenda bay. Tai ward o warák pas o gókáni dhawlá káh o buccha bant o taw cha ásmánay nódán tarra bay. Tán hapt zamánagá taw anchosha bay, tán hamá wahdá ke taw pajjáh byáray ke borzén arshay Hodá ensáni bádsháhiáni sará hokmrán ent o hamá mardomá dantesh ke wata lóthit.

Dányál 4:25 Iomraidhean Croise

Zabur 103:19

Hodáwandá wati bádsháhiay taht ásmánán barjáh dáshtag o áiay bádsháhi sajjahén hastiay sará hákemia kant.

Zabur 106:20

Wati mazanshánén Hodáay badalá káhwárén jalabén gókéay botesh zort.

Zabur 75:7

É Hodá ent ke dádrasia kant, yakkéá éra jant o yakkéá sarborza kant.

Zabur 83:18

Bell bezánant ke tai nám Hodáwand ent o tahná taw, oo borzén arshay Hodá, sajjahén zeminay sará hákemia kanay.

Dányál 2:21

Hamá ent ke wahd o mósomán badala kant, hamá ent ke bádsháhán dura kant yá tahtá nádénit, hamá ent ke dánáyán hekmata dant o sarpadénán zánta bakshit,

Dányál 2:37

Oo bádsháh! Taw bádsháháni bádsháh ay. Hamá ay ke ásmáni Hodáyá tará bádsháhi, kodrat, zór o wák o shán o shawkat dátag o

Dányál 2:47

Bádsháhá gón Dányálá gwasht: “Béshak tai Hodá, hodáyáni Hodá ent o bádsháháni Hodáwand ent o rázáni paddar kanók, chéá ke taw é ráz paddar kort kortag.”

Dányál 4:16

Bell ke eshiay del cha mardomi deléá badal kanag bebit o eshiá jánwari delé dayag bebit o bell ke tán hapt zamánagá anchosh bemánit.

Dányál 4:17

É hokmay jár kásedán jatag, pákénán eshiay hokm dátag, tánke zendagén mardom bezánant ke borzén arshay Hodá ensáni bádsháhiáni sará hokmrán ent o é bádsháhián hamá mardomá dant ke Hodáay jenda lóthit. Tantaná kamzátén mardomán ham é bádsháhiáni sará hákema kant.’

Dányál 4:2

Hamá nesháni ke borzén arshay Hodáyá maná pésh dáshtagant o hamá mójezah ke pa man kortaganti, wassha bán ke shomárá begwashánesh.