Dányál 2:44 - Hodáay Pákén Ketáb Balochi zobáná

⁴⁴ Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 2:44 Iomraidhean Croise

Pédáesh 49:10

Bádsháhi asá cha Yahudáay dastá narawt o hákemiay dazlatth cha áiay pádáni démá dura nabit tán hamá wahdá ke asligén wáhonda kayt o kawm áiay parmánbardára bant.

Zabur 145:13

Tai bádsháhi abadi bádsháhié o tai hákemi nasláni nasl barjáha mánit.

Dányál 2:28

bale ásmáná Hodáé hast ke rázán paddara kant o hamáiá pa tawe bádsháh Nebukadnezará záher kortag ke áyókén róchán ché bit. É tai wáb ent o hamá shobén ant ke wahdé taw wati nepáday sará tachk atay, tai saray tahá chakarragá atant.

Dányál 2:34

Taw angat cháragá atay o sengé sendag but, mardomi dastéá nasest. Seng átk o botay ásen o gelén pádán lagget o próshtanti.

Dányál 2:35

Padá ásen, patkagén gel, brenj, nograh o teláh, sarjamá yakjáh hurt butant, anchosh ke garmágán jóhánay pog o palár hurta bant, o gwátá ropt o bortant tán áyáni hecch nesháné pasht nakapt. Bale hamá seng ke botá lagget, baláhén kóhé jórh but o sajjahén zemini gept.

Dányál 2:37

Oo bádsháh! Taw bádsháháni bádsháh ay. Hamá ay ke ásmáni Hodáyá tará bádsháhi, kodrat, zór o wák o shán o shawkat dátag o

Dányál 2:43

Hamá dhawlá ke taw ásen gón patkagén gelá hawár dist, kawm o nasl hawár wa bant bale gón yakdomiá nalecchant, anchosh ke ásen gón gelá nalecchit.

Dányál 4:3

Áiay nesháni zabardast ant o mójezah, porzór. Áiay bádsháhi tán abad hastent o hokmránii nasláni nasl barjáh.

Dányál 4:34

“Bale á rócháni halásiá, mane Nebukadnezará wati chamm ásmánay némagá chest kortant o mani hósh átk. Nun man borzén arshay Hodáay satá o saná kort, hamá Hodá ke tán abada mánit, man shán o ezzat dát. Chéá ke áiay hokmráni abadmánén hokmránié o áiay bádsháhi tán nasláni nasl barjáha mánit.

Dányál 6:26

Man jára janán ke mani bádsháhiay har kondhay mardom, cha Dányálay Hodáay torsá belarzant o hamáiá sharap bedayant. Chéá ke hamá zendagén Hodá ent o modáma mánit. Áiay bádsháhi hechbar tabáh o barbáda nabit o áiay hokmráni hechbar halása nabit.

Dányál 6:27

Hamá nejáta dant o rakkénit, ásmán o zeminay sará ajabbatén nesháni o mójezah pésha dárit. Hamáiá Dányál cha shéráni dapá rakkéntag.”

Dányál 7:27

Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Dányál 8:25

Pa hóshmandi pandala sázit o kámyába bit. Wati delá watá mazan sarpada bit. Bázéné sahig ham nabit o émeniá neshtagén jágahá tabáhesha kant. É, shahzádagáni shahzádagay helápá ham páda kayt bale jendi bé ensáni dastéá tabáh kanaga bit.

Mattá 28:18

Issáyá gón áyán gwasht: “Ásmán o zeminay sajjahén zór o wák mani dastá dayag butag.

Yuhanná 12:34

Mardomán darráént: “Sharyat márá gwashit ke Masih tán abada mánit. Gorhá taw chóna gwashay ke Ensánay Chokk chest kanaga bit? Ensánay Chokk kay ent?”

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 2:27

Á gón ásenén asáéá anchó kawmáni sará hokmránia kant ke kunzag próshaga bant.