Dányál 2:21 - Hodáay Pákén Ketáb Balochi zobáná

²¹ Hamá ent ke wahd o mósomán badala kant, hamá ent ke bádsháhán dura kant yá tahtá nádénit, hamá ent ke dánáyán hekmata dant o sarpadénán zánta bakshit,

Dányál 2:21 Iomraidhean Croise

Dargwaz 31:3

cha Hodáay Ruhá porr kortag o agl o pahm o zánt o har kesmén dastay honar bakshátag

Dargwaz 31:6

Man cha Dánay kabilahá Ahimásakay chokk Ohulyáb ham gechén kortag ke Besalélá komakk bekant. Man sajjahén honarmand dánái bakshátagant ke hamá sajjahén chizzán addh bekanant ke man tará hokm dátag:

Dányál 1:17

É chárén warná, Hodáyá labzánk o hekmatay har paymén zánt o honar dayán kortant. Dányál har warhén elhám o shobén o wábáni mánáyá ham balad at.

Dányál 10:1

Pársay bádsháh Kuroshay dawray sayomi sálá Dányálá, ke Beltesházaray námá ham zánaga but, elhám raset. Elhámay paygám rást at o baláhén jangéay bárawá at. É paygámay máná áiá shobénéay tahá raset.

Dányál 11:6

Lahtén sálá pad, ahd o karáre bandant. Jonubay bádsháhay jenekk shomálay bádsháhay kerrá pa ahd o karár bandagá rawt. Bale jenekkay zór o kodrat pashta nakapit o shomálay bádsháhay zór ham namánit. Á róchán, bádsháhay jenekk gón wati hamráhán, wati petá o komakkárá hawár dróhag o dozhmenáni dastá dayaga bit.

Dányál 2:20

Gwashti: “Hodáay námá abad tán abad satá o saná bát, chéá ke hekmat o zór hamáiayg ant.

Dányál 2:23

Oo mani pet o pirokáni Hodá! Man tai shográ gerán o tai tawsipá kanán, chéá ke taw maná zór o hekmat dátag. Annun ham é taw ay ke pa man hamá chizzet záher kortag ke má cha taw lóthetag, chéá ke taw nun bádsháhay jérhah pa má paddar kortag.”

Dányál 2:9

ke agan shomá maná wábá magwashét, pa shomá sezá yakkén ent. Shomá watmánwatá shawr kortag ke mani démá chapp o chóthén habar bekanét o dróg bebandét tán hamá wahdá ke wahd o jáwar badal bebant. Paméshká shomá wat maná wábá begwashét, gorhá nun mana zánán ke shomá mánái ham korta kanét.”

Dányál 4:14

Áiá gón borzén tawáréá gwasht: ‘Drachká goddh o sháharháni borr o tákáni send o baráni sheng o sháng kan. Bell ke jánwar cha eshiay sáhegá dara káyant o tachant o morg cha eshiay sháharhán bála kanant.

Dányál 4:17

É hokmay jár kásedán jatag, pákénán eshiay hokm dátag, tánke zendagén mardom bezánant ke borzén arshay Hodá ensáni bádsháhiáni sará hokmrán ent o é bádsháhián hamá mardomá dant ke Hodáay jenda lóthit. Tantaná kamzátén mardomán ham é bádsháhiáni sará hákema kant.’

Dányál 4:22

é drachk taw ay, oo bádsháh! Chéá ke taw mazan o porwák ay o tai mazani rostag o ásmáná sar ent o tai bádsháhi tán zeminay goddhi hadd o simsarán rasetag.

Dányál 4:32

Taw cha ensánán gallénaga bay o jangali jánwaráni darnyámá jahmenenda bay. Tai ward o warák pas o gókáni dhawlá káh o buccha bant. Tán hapt zamánagá taw anchosha bay tán hamá wahdá ke taw pajjáh byáray o bezánay ke borzén arshay Hodá ensáni bádsháhiáni sará hokmrán ent o hamá mardomá dantesh ke wata lóthit.”

Dányál 7:25

É, borzén arshay Hodáay helápá habara kant o áiay pákén mardomán ázára dant. Eshiay erádaha bit ke kánun o wahdán badal bekant o Hodáay pákén mardom pa wahdéá eshiay dastá dayaga bant, bezán tán wahdéá, wahdán o ném wahdá.

Luká 21:15

Chéá ke man shomárá anchén habaráni zántkáriá dayán ke hecch dozhmené shomay démá maóshtit o shomay habarán prósht makant.

Pulosay kágad pa Rumián 13:1

Harkas watá hokumatay chérdast bemannit, parchá ke cha Hodáay nádéntagéná abéd, hecch wák o ehtiáré nést o har wák o kodraté ke hast, Hodáyá nádéntag.

Ákub 1:17

Har nékén dád o har tamánén tohpah o théki cha borzá kayt, cha nur o rozhnay Petay némagá ke hechbar badala nabit o hecch tahári o sáhegéá áiay arwáh o jabiná ráh nést.

Ákub 1:5

Agan cha shomá yakkéay zánt o hekmat kamm bebit, cha Hodáyá belóthit o Hodá, ke cha wati bakshendagiá harkasá bé mennat o shegána dant, áiá zánt o hekmata bakshit.

Elhám 19:16

Áiay kabáh o ránay sará námé nebeshtah ent: “bádsháháni Bádsháh o hodáwandáni Hodáwand.”