Dányál 2:11 - Hodáay Pákén Ketáb Balochi zobáná

¹¹ É kárá ke tawe bádsháh lóthagá ay, sakk grán ent. Cha hodáyán abéd, é habará kass bádsháhá gwashta nakant, o hodá wa ensánáni nyámá naneshtagant.”

Dányál 2:11 Iomraidhean Croise

Pédáesh 41:39

Démi gón Issopá kort o gwashti: “Hodáyá é sajjahén chizz ke pa taw paddar kortagant, gorhá bezán tai paymén aglmand o dáná dega nést.

Pédáesh 41:8

Sohb ke but, Perawn paréshán at. Wati mardomi ráh dátant o Mesray sajjahén dáná o jádugeri lótháéntant. Perawná gón áyán wati wábáni kessah kort, bale kassá áiay wáb máná kort nakortant.

Zabur 132:14

“É mani árámjáh ent, tán abad. Man hamedá wati bádsháhi tahtá nendán chéá ke dóstona bit.

Zabur 68:18

Á wahdá ke arshá borz butay bázén bandigé zortet, cha mardomán thékiet zort, tantaná cha sarkashán ham, tánke taw, oo Hodáwandén Hodá, ódá jahmenend bebay.

Dargwaz 29:45

Man Esráiliáni nyámá jahmenenda bán o áyáni Hodá bán.

Dargwaz 8:19

Jádugerán gón Perawná gwasht: “É Hodái káré.” Bale hamá paymá ke Hodáwandá gwashtagat, Perawnay del seng at o Mussá o Hárunay habari gósh nadáshtant.

Dányál 4:4

Mane Nebukadnezar wati lógá ásudag, wati kalátá wassh o ábád atán.

Dányál 5:11

Tai bádsháhiá mardé hast ke áiá pákén hodáyáni ruh mán ent o tai pirokay dawrá gendag butag ke áiá báteni rozhnái, sarpadi o hekmat o hodáyáni dhawlén dánáié gón. Tai bádsháhén pirok, Nebukadnezará é mard jáduger, sáher, nojumi o estárzántáni master kortagat,

Mattá 19:26

Issáyá áyáni némagá cháret o gwashti: “Pa ensáná nabuteni ent, bale Hodáay dastá har chizz buta kant.”

Yuhanná 1:14

Gál ensán but o may nyámá jágahi kort. Má áiay shán o shawkat dist, hamá shán o shawkat ke Petay yakkén Chokkayg ent, hamá Chokk ke cha rahmat o rástiá sarréch ent.

Yuhanná 14:17

bezán rástiay hamá Ruh ke jahán áiay mannagá tayár naent, chéá ke nagenditi o pajjáhia nayárit. Bale shomá áiá pajjáha kárét, chéá ke shomay kerrá mánit o shomay del o daruná bit.

Yuhanná 14:23

Issáyá passaw tarrént: “Á kas ke maná dósta dárit, hamá habaráni sará kára kant ke man gwashtagant. Mani Pet áiá dósta dárit o man o Peta káén o áiay kerrá lóg o jágaha kanén.

Elhám 21:3

O man borzén tawáré eshkot ke cha tahtá pédák at, gwashagá at: “Bechár! Hodáay menendjáh mardománi kerrá ent, nun á wat áyáni kerrá nendóka bit. Á, Hodáay mardoma bant o Hodá wat gón áyán yakjáha bit.