Ákub 5:5 - Hodáay Pákén Ketáb Balochi zobáná

⁵ Shomá zeminay sará pa aysh o nósh o hawá o hawas zend gwázéntag. Watá pa koshagay róchá sharr sáthetag o pazzóró kortag.

Ákub 5:5 Iomraidhean Croise

Zabur 17:14

Hodáwandá! Maná cha é paymén mardománi dastá ázát kan, cha é donyáay mardomán ke nasibesh tahná hamé donyá ent o bass, ke lápánesh cha wati hazánagá séra kanay, chokkesh báza bant o áyáni pasht kaptagén chizz pa chokkánesha rasit.

Zabur 73:7

Chammesh cha pazzóriá dar átkagant o delay hayálánesh haddé nést.

Luká 16:19

Yakk máldár o hazgárén mardéá modám gránkimmatén pocch o pósháka póshet o wati róchi pa aysh o nósha gwázéntant.

Luká 16:25

Bale Ebráhémá passaw dát: ‘Oo mani bacch! Hayálá bekap ke taw wati zendá sharrén chizzáni wájah butagay o Ilázará wati róch pa bazzagi gwázéntagant. Bale á nun edá ásudag ent o taw azábán talwasagá ay.

Pulosay kágad pa Rumián 13:13

Byáét sharapdárén zendé begwázénén, hamá zend ke róchay rozhnáiá gwázénaga bit, choshén zendé magwázénén ke pa ayyáshi, hanósh o malár, waylánki, landhari, pasát o hasadd bebit.

Pa Timutáusá Pulosay awali kágad 5:6

Bale hamá janózám ke pa wati jenday lezzatán zendag ent, bezán zendagá mortag.

Pa Timutáusá Pulosay domi kágad 3:4

dróhók, béparwáh o porkebra bant o Hodáay badalá aysh o nóshá dósta dárant.

Petrosay Domi Kágad 2:13

Wati gandagén káráni sezá o padmozzesha rasit. Áyáni shádehi hamesh ent ke róchay rozhnáiá mast o hanósh bebant. Gón shomá hór warák waragay wahdá, á wati aysh o nósháni tahá gark ant o é pa shomá bannámi o pólengé bit.

Yahudáay Kágad 1:12

É mardom, shomay pormehrén báwarmandi diwánán, wahdé pa béparwáhi gón shomá hórigá waráka warant pa shomá bannámi o pólengé bant. É hamá shepánk ant ke tahná wati jenday pazzór kanagay randá ant. Hamá béhawrén jambar ant ke gwátesha bárt. Hamá dhokkáli drachk ant ke bébar o bérisshag ant o do bar mortagant.

Elhám 18:7

Haminchok ke watá shán o shawkati dátag o aysh o nóshay tahá zendi gwázéntag, nun haminchok azábi bedayét, chéá ke wati delá gwashtagi: ‘Man malakahé án o tahtay sará neshtagán, janózámé naán o hechbar porsa nagendán.’