Ákub 4:8 - Hodáay Pákén Ketáb Balochi zobáná

⁸ Gón Hodáyá nazzikk bebét, Hodá ham gón shomá nazzikka bit. Oo gonahkárán! Wati dastán pák kanét. Oo dodelán! Wati delá sáp kanét,

Ákub 4:8 Iomraidhean Croise

Pédáesh 18:23

Gorhá Ebráhém nazzikk átk o gwashti: “Taw pa rásti pahrézkárá ham gón badkárá rópay o baray?

Zabur 119:113

Cha doruén mardomán naprata kanán o tai Sharyatá dósta dárán.

Zabur 145:18

Harkas ke Hodáwandá tawára kant, Hodáwand áiay nazzikká ent, harkas ke pa del o setk áiá tawára kant.

Zabur 18:20

Hodáwandá pa mani pahrézkáriá gón man néki kortag, mani dastáni pákiay mozz bakshátag,

Zabur 24:4

Hamá ke deli sáp o dasti pák ent, hamá ke wati arwáhá dém pa náhudagiá natarrénit o drógén sawgenda nawárt.

Zabur 26:6

Oo Hodáwand! Wati dastán bégonáhiay tahá shódán o tai korbánjáhay sará chahra warán,

Zabur 51:10

Oo Hodá! Mani daruná pákén delé bejórhén o mani del o jabiná padá mohrén ruhé byár.

Zabur 73:13

Pa rásti man wati del mopt o náhudagá pák dáshtag o dast mán bégonáhiá shoshtagant.

Zabur 73:28

Bale pa man wasshi hamesh ent ke Hodáay nazziká bebán, Hodáwandon wati panáhgáh kortag, tán tai sajjahén kárán jár bejanán, oo Hodáwand!

Mattá 12:33

Agan sharrén bar o nibaga lóthét, báyad ent drachk sharréné bebit, badén drachk badén bar o nibaga dant, har drachk cha áiay bará zánaga bit.

Mattá 15:2

“Tai morid chéá may pet o piroki rahbandá próshant o cha waragá pésar dasta nashódant?”

Mattá 27:24

Wahdé Pilátusá dist ke hecch káré korta nakant o mardom shóresh kanagá ant, gorhá áiá áp zort, mocchiay démá wati dast shoshtant o gwashti: “Man cha é marday hóná bémayár án, shomá bezánét o shomay kár.”

Kásedáni Kár 15:9

Hodáyá mayg o áyáni nyámá hecch park o péré naesht, wahdé á báwarmand butant, Hodáyá áyáni del ham pák o palgár kort.

Pa Timutáusá Pulosay awali kágad 2:8

Mana lóthán ke mardén zahr gerag o ják o jérhahán yalah bedayant o har jágah pák o palgárén dastán borz bekanant o dwá belóthant.

Ákub 1:8

Parchá ke á dodel ent o wati hecch kár o hecch kerdáray sará mohr naóshtátag.

Ákub 3:17

Bale á hekmat ke cha borzá kayt, awalá ke pák o palgár ent, randá sohl árók o narm, mannók o cha néki o rahmatay bar o samará porr ent, cha park o pér o dorui o dopóstiá ham dur ent.

Petrosay Awal Kágad 1:22

Nun ke shomá gón rástiay randgiriá watá pák o palgár kortag o gón yakdegará padelén mehray wáhond butagét, gorhá pa del o setk gón yakdomiá mehr bekanét.

Petrosay Awal Kágad 3:21

Hamé áp shomay pákshódiay mesál o nemunah ent ke annun shomárá rakkénit. Pákshódi jesm o jánay zaheri chellán páka nakant, é pa pákén wejdán o jabiná gón Hodáyá shomay dazbandi ent ke cha Issá Masihay jáh janagay wasilahá shomárá rasit,

Yuhannáay Awali Kágad 3:3

Harkasá cha áiá choshén omété hast watá páka kant, anchosh ke á wat pák ent.