Ákub 4:7 - Hodáay Pákén Ketáb Balochi zobáná

⁷ Gorhá, watá Hodáay dastá bedayét. Shaytánay démá mohr bóshtét o á cha shomay démá tachit.

Ákub 4:7 Iomraidhean Croise

Zabur 66:3

Hodáyá begwashét: “Tai kár chenkadar bákamál ant. Tai wák o kodratay mazaniay sawabá dozhmen tai démá háká kapant.

Zabur 68:30

Kalam o kásháni nyámay rastará hakkal day o kawmáni gwaskáni nyámá gókáni góromá. Rastar érdasta bit o nograha kárit. Jangdóstén kawmán sheng o sháng kan.

Dányál 4:25

Taw cha ensánán gallénaga bay o jangali jánwaráni darnyámá jahmenenda bay. Tai ward o warák pas o gókáni dhawlá káh o buccha bant o taw cha ásmánay nódán tarra bay. Tán hapt zamánagá taw anchosha bay, tán hamá wahdá ke taw pajjáh byáray ke borzén arshay Hodá ensáni bádsháhiáni sará hokmrán ent o hamá mardomá dantesh ke wata lóthit.

Dányál 4:32

Taw cha ensánán gallénaga bay o jangali jánwaráni darnyámá jahmenenda bay. Tai ward o warák pas o gókáni dhawlá káh o buccha bant. Tán hapt zamánagá taw anchosha bay tán hamá wahdá ke taw pajjáh byáray o bezánay ke borzén arshay Hodá ensáni bádsháhiáni sará hokmrán ent o hamá mardomá dantesh ke wata lóthit.”

Mattá 11:29

Mani jogá baddhá kanét, cha man hél begerét, ke man narmdel o békebr án. Gorhá shomárá árám o ásudagia rasit.

Kásedáni Kár 26:19

Oo bádsháh Agripás! Man cha á ásmáni shobénay mannagá sar táb nadát.

Kásedáni Kár 9:6

Nun pád á o shahrá beraw. Hamódá gwashant tará che kár kanagi ent.”

Pulosay kágad pa Rumián 10:3

Cha á páki o palgáriá násahig o násarpad atant ke cha Hodáay némagá ent o wati jenday páki o palgáriay jórhénagay johdá atant, paméshká watá á páki o palgáriay dastá nadátagesh ke cha Hodáay némagá ent.

Pulosay kágad pa Rumián 14:11

Parchá ke nebisag butag: “Hodáwanda gwashit: ‘Anchosh ke man zendag án, é habar ham rást ent, hamok mardom mani démá kóndhána kapit o har zobán Hodáyá satá kant o sárháit.’”

Petrosay Awal Kágad 2:13

Shomá pa Hodáwandaygi, sajjahén ehtiárdárén mardománi parmánbardáriá bekanét, bádsháhay ham ke cha sajjahénán master ent o

Petrosay Awal Kágad 5:6

Paméshká, Hodáay porwákén dastay chérá watá békebr o darbésh bekanét tánke á, wati gisshéntagén wahdá shomárá borz o sarperáz bekant.