Ákub 1:27 - Hodáay Pákén Ketáb Balochi zobáná

²⁷ Hamá Hodádósti ke may Hodáén Pet, pák o béaybia zánt: “Sakkiáni wahdá janózám o chórawáni dastá gerag” o “Watá cha é donyáay gandagián pák dárag” ent.

Ákub 1:27 Iomraidhean Croise

Zabur 119:1

Bahtáwar ant hamá ke ráhesh rást ant o Hodáwanday Sharyatay hesábá gardant.

Zabur 146:9

Hodáwand darámadáni negahpániá kant o chóraw o janózámáni hayálá dárit, bale badkáráni ráhá chapp o chótha kant.

Zabur 68:5

Hodá wati pákén bárgáhá chórhawáni pet ent o janózámáni dádras.

Mattá 12:32

Harkas Ensánay Chokkay bárawá sellén habaré bekant bakshaga bit, bale á ke Pákén Ruhay bárawá sellén habaré begwashit, na é donyáyá pahell kanaga bit o na áyókén donyáyá.

Mattá 5:8

Bahtáwar ant hamá ke delesh pák o sáp ent, chéá ke á Hodáyá gendant.

Luká 1:6

Á, har doén, Hodáay chamm o nezará nék o pahrézkár atant o Hodáwanday sajjahén hokm o rahbandáni sará pa bémayári zendesha gwázént.

Pulosay kágad pa Rumián 12:2

Gón é donyáyá hamrang o hamdróshom mabét, cha wati pegr o pahmay nók kanagay ráhá badal bebét, tán shomá bezánét o gisshént bekanét ke Hodáay wáhag ché ent, kojám chizz sharr, kámel o Hodáyá pasond ent.

Pulosay kágad pa Rumián 2:13

Chéá ke tahná cha Sharyatay rahbandáni eshkonagá, kas Hodáay chammán pák o palgára nabit. Hamá kas pák o palgár zánaga bit ke Sharyatay rahbandáni sará kára kant.

Pa Galátián Pulosay kágad 1:4

Issá Masihá watá pa may gonáháni dur kanagá nadr kort ke may Hodáén Petay wáhagay barkatá márá cha annugén harábén zamánagá berakkénit.

Pa Galátián Pulosay kágad 3:11

Nun é habar záher ent ke cha Sharyatay randgiriá kass Hodáay bárgáhá pák o palgára nabit, chéá ke Pákén Ketába gwashit: “Hamá ke imánay barkatá pák o palgár ent, hamá zendaga mánit.”

Pa Galátián Pulosay kágad 5:6

Chéá ke Issá Masihay ráhá sonnat bayag o nabayagay máná yakk ent, tahná hamá imáná máná hast ke cha mehray ráhá watá záhera kant.

Pa Galátián Pulosay kágad 6:14

Man hechbar pahr mabandátán, abéd cha may Hodáwandén Issá Masihay salibay sará, ke hamé salibay sawabá donyá pa man mortag o man pa donyáyá.

Pa Timutáusá Pulosay awali kágad 1:5

É hokmay maksad mehr ent ke cha sapáén del o pákén zamir o delsetkén imánéá pédá bit.

Pa Timutáusá Pulosay awali kágad 5:4

Bale agan janózáméá chokk yá nomásag hast, gorhá chokk o nomásag wati Hodátorsiá awalá wati lógay tahá pésh bedárant o wati lógay hayálá bedárant o é paymá wati masterénáni hakká adá bekanant. Chéá ke é kár Hodáyá dósta bit.

Pa Titusá Pulosay kágad 2:12

É rahmat márá tálima dant ke má watá cha hodánáparmáni o donyái hawá o hawasán dur bedárén o hamé wahdá ke má wati mobárakén ométay entezár o wadárá én, bezán wati mazanén Hodá, wati rakkénókén Issá Masihay porshawkatén áyagay wadárá én, é donyáyá pa jenday dásht o pahrézkári o Hodátorsi zend begwázénén.

Ákub 3:17

Bale á hekmat ke cha borzá kayt, awalá ke pák o palgár ent, randá sohl árók o narm, mannók o cha néki o rahmatay bar o samará porr ent, cha park o pér o dorui o dopóstiá ham dur ent.

Ákub 3:9

Gón hamé zobáná wati Hodáwandén Petá satá kanén o gón hamé zobáná hamá mardomán nálata kanén ke Hodáyá wati shekl o dróshomá addh kortagant.

Ákub 4:4

Oo zenahkárán! Nazánét ke donyáay dósti, Hodáay dozhmeni ent? Harkas ke donyáay dóstiay randá ent, watá Hodáay dozhmena jórhénit.

Petrosay Domi Kágad 1:4

Hamé paymá, máshomárá cha é chizzán wati bébahá o sakkén mazanén kawl o wádahi dátag tán gón Hodái zátá sharikdár bebét o cha hamá tabáhiá berakkét ke donyáyá hastent o sellén wáhagáni bar o samar ent.

Petrosay Domi Kágad 2:20

Hamá mardom ke gón may Hodáwand o rakkénók Issá Masihay zánag o pajjáragá cha é donyáay selkáriána rakkant, agan padá hamá selkáriáni tóká bekapant, randi hálesh cha pésarigéná ham gantera bit.

Petrosay Domi Kágad 3:14

Oo dordánagán! Nun ke é chizzáni wadárá ét, johd kanét á shomárá pák o béayb o gón wat pa sohl o árámiá wadi bekant o begendit.

Yuhannáay Awali Kágad 5:18

Má zánén harkas ke cha Hodáyá pédá butag, gonáha nakant, hamá ke cha Hodáyá pédá butag Hodá wat áiay negahpániá kant o Shaytánay dast pa áiá narasit.