Ákub 1:17 - Hodáay Pákén Ketáb Balochi zobáná

¹⁷ Har nékén dád o har tamánén tohpah o théki cha borzá kayt, cha nur o rozhnay Petay némagá ke hechbar badala nabit o hecch tahári o sáhegéá áiay arwáh o jabiná ráh nést.

Ákub 1:17 Iomraidhean Croise

Pédáesh 41:16

Issopá gwasht: “É cha mani was o wáká dar ent, bale Hodá tawe Perawná hayrén passawé dáta kant.”

Zabur 102:27

bale taw mánay o tai sál halása nabant.

Zabur 122:6

Pa Urshalimay émeniá dwá kanét, harkas ke tará, ó Urshalim, dósta dárit, ásudag bát.

Zabur 136:7

Hamá ke mazanén nuri addh kortagant, mehri abadmán ent.

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Zabur 85:12

Béshakk, Hodáwand nékén chizza bakshit o may zemin áiay bar o samará kárit.

Mattá 7:11

Shomá ke radkár ét, angat wati chokkán sharrén chizzáni dayagá zánét. Gorhá shomay ásmáni Pet chinkadar shartera zánt ke wati lóthókén chokkán wasshén chizz bedant.

Luká 11:13

Nun agan shomá ke radkár ét, angat ham wati chokkán sharrén chizzáni dayagá zánét, gorhá may ásmáni Pet chinkadar shartera zánt ke wati lóthókén chokkán Pákén Ruhá bedant.”

Yuhanná 1:9

Hamá rástén rozhn ke pa sajjahén mardomán rozhnáia kárit, nun jaháná pédák at.

Yuhanná 3:27

Yahyáyá áyáni passawá gwasht: “Tánke Hodá madant, ensáná heccha narasit.

Yuhanná 3:3

Issáyá áiay passawá gwasht: “Tará rásténa gwashán, tán kasé dobar pédá mabit, Hodáay bádsháhiá dista nakant.”

Yuhanná 8:12

Issáyá padá gón mardomán habar kort, gwashti: “Jahánay nur o rozhn man án. Kasé ke mani randgiriá kant, áiay ráh hechbar tahára nabit o á zenday rozhnáiay wáhonda bit.”

Kásedáni Kár 11:18

É habaráni eshkonagá rand, á bétawár butant, Hodáesh satá o saná kort o gwashtesh: “Rást ent ke Hodáyá darkawm ham, pashómániay móh dátagant ke cha wati gonáhán tawbah bekanant o abadmánén zendá berasant.”

Kásedáni Kár 5:31

wati rástén némagá nádént o sarók o rakkénók kort, tánke Esráilay kawmá tawbah o gonáháni pahelliay móh berasit.

Pulosay kágad pa Rumián 6:23

Parchá ke gonáhay mozz mark ent bale Hodáay bakshesh namiránén zend ent ke cha may Hodáwand Issá Masihay ráhá rasit.

Pa Pilipián Pulosay kágad 1:29

Nun é sharap shomárá cha Masihay némagá rasetag ke shomá Masihay sará na tahná báwarmand bebét, pa áiá sakki o sóri ham besaggét,

Pa Timutáusá Pulosay awali kágad 6:16

hamá ke yakk o tahná namirán ent o áiay dargáh anchén rozhné ke kass ódá raseta nakant o kassá nadistag o disti ham nakant. Áiay sharap o ezzat o zór o wák tán abad barjáh bát. Anchosh bát. Ámin.

Ákub 1:5

Agan cha shomá yakkéay zánt o hekmat kamm bebit, cha Hodáyá belóthit o Hodá, ke cha wati bakshendagiá harkasá bé mennat o shegána dant, áiá zánt o hekmata bakshit.

Ákub 3:15

É dhawlén “hekmat” cha borzá éra nayayt, zemini, napsáni o shaytáni ent.

Ákub 3:17

Bale á hekmat ke cha borzá kayt, awalá ke pák o palgár ent, randá sohl árók o narm, mannók o cha néki o rahmatay bar o samará porr ent, cha park o pér o dorui o dopóstiá ham dur ent.

Yuhannáay Awali Kágad 1:5

Á kolaw o paygám ke má cha áiá eshkotag o pa shomá jára janén, esh ent: Hodá nur o rozhn ent o áiay arwáh o jabiná hecch tahári nést.

Yuhannáay Awali Kágad 4:10

Má gón Hodáyá mehr nakortag, mehr hamesh ent ke áiá kortag o wati Chokki dém dátag tán pa may gonáháni shodagá korbánig kanag bebit.

Elhám 21:23

O shahrá na róch pakár ent o na máh ke áiá rozhná bekanant, chéá ke Hodáay shán o shawkat eshiá rozhná kant o Gwarándh eshiay cherág ent.

Elhám 22:5

Ódá hechbar shapa nabit, cherág o róchay rozhnay zalurata nabit, chéá ke Hodáwandén Hodá wat áyáni sará wati rozhná drapshénit o á, abad tán abad hokmránia kanant.