Pa Timutáusá Pulosay domi kágad 3:16 - Hodáay Pákén Ketáb Balochi zobáná

¹⁶ Pákén Ketábay sajjahén habar Hodáayg ant ke elhámay sheklá démi dátagant. Pákén Ketáb pa tálim dayagá, pa radiáni sarpad kanag o rást kanagá o pa pahrézkáriay hél dayagá páedagmand ent

Pa Timutáusá Pulosay domi kágad 3:16 Iomraidhean Croise

Zabur 119:11

Man tai habar wati delá ambár kortagant ke tai helápá gonáh makanán.

Zabur 119:130

Tai habaray bayán kanag rozhna bakshit o násarpadán sarpadia dant.

Zabur 119:9

Warnáén mardomé chón wati ráhá pák dáshta kant? Gón tai habaray randgiriá.

Mattá 13:52

Gón áyán gwashti: “Paméshká Sharyatay har zánóger ke ásmáni bádsháhiay moridé bit, hamá marday dhawlá ent ke cha wati hazánagá har paymén nók o kwahnén chizz dara kant.”

Mattá 21:42

Issáyá cha áyán jost kort: “Shomá Hodáay Pákén Ketábán nawántag: Á seng ke bánbandén ostáyán pasond nakort o nazort hamá seng, bonhesht but. É Hodáwanday kár ent o may chammán ajab ent.”

Mattá 22:43

Nun gwashti: “Gorhá chéá Dáud cha Pákén Ruhay shobén o elhámá, áiá wati Hodáwanda zánt, wahdé gwashit:

Mattá 26:54

Bale gorhá Pákén Ketábáni nebeshtagén hamá habar ke báyad ent sarjam bebant, chón pa sara rasant?”

Mattá 26:56

Bale é paymá paméshká but ke Nabiáni Ketábáni péshgói, rást o paddar bebant.” Gorhá sajjahén moridán á yalah dát o jestant.

Markás 12:24

Issáyá gwasht: “Shomá gomráh naét? Parchá ke na cha Pákén Ketábán chizzé sarkecha warét o na Hodáay wák o zórá sarpada bét.

Markás 12:36

Dáudá wat cha Hodáay Pákén Ruhay shobén o elhámá gwashtag: Hodáwandá gón mani Hodáwandá gwasht mani rástén némagá benend tán hamá wahdá ke tai dozhmenán tai pádáni chérá dawr bedayán.

Yuhanná 10:35

Agan á mardom ke Hodáay habar áyáni kerrá sar butag, ‘hodá’ gwashag butagant o má zánén ke Hodáay Pákén Ketáb hechbara nakapit o nákára nabit,

Yuhanná 3:20

Chéá ke á mardom ke sellén káráni ráhá zurit, cha rozhnáiá naprata kant o watá cha rozhná dura dárit ke áiay kár o kerd záher mabant.

Kásedáni Kár 1:16

gwashti: “Oo brátán! Hodáay Pákén Ketábay tahá, harché ke Pákén Ruhá Issáay dazgir kanókáni rahshón, Yahudáay bárawá cha Dáuday zobáná péshgói kortagat, allamá purah o sarjam bayagi at.

Kásedáni Kár 18:25

Áiá Hodáwanday ráhay bárawá tálim geptagat o mardomán gón hobb o hodónáki, sharriay sará Issáay bárawá habar kanag o tálim dayagá at, bale áiay zánt, Yahyáay pákshódiay bárawá at o bass.

Kásedáni Kár 20:20

Wata zánét, shomay nap o suttá harché ke mani dastá bayagi butag man kortag o Hodáay kolaw pa shomá, mocchiáni tahá o lóg pa lóg áwortag o sar kortag.

Kásedáni Kár 20:27

Chéá ke man pa shomá Hodáay sajjahén wáhagáni rasénagá hechbar chakk o pad nabutagán.

Kásedáni Kár 28:25

Á watmánwat nátepák but o cha ódá shotant, bale áyáni rawagá pésar, Pulosá wati goddhi habar kort: “Pákén Ruhá cha Eshayá nabiay zobáná gón shomay pet o pirénán chón wassh o rást gwashtag:

Pulosay kágad pa Rumián 15:4

Har chizzé ke pésará nebisag butag, pa may tálimá butag, tán gón Pákén Ketábay bakshetagén sabr o delbaddhiá márá omét berasit.

Pulosay kágad pa Rumián 2:20

agan hamá Sharyatay sawabá ke zánt o rástiay jawhar ent jáheláni tálim dayók o kódakáni ostád ay,

Pulosay kágad pa Rumián 3:2

Har paymá ke bechárén, esháni páedag báz ent. Awali gapp esh ent ke Hodáyá wati habar Yahudiáni sepordah kortag.

Pulosay kágad pa Rumián 4:23

Pákén Ketábay é labz ke “hesáb árag but” tahná pa Ebráhémá nebisag nabutag,

Pa Galátián Pulosay kágad 3:8

Pákén Ketábá péshgói kort ke Hodá chón darkawmán imánay sawabá pák o palgára kant. Hodáyá Ebráhémay kerrá wasshén mestágay jár pésará jat, gwashti: “Donyáay sajjahén kawm tai sawabá barkata gerant.”

Pa Timutáusá Pulosay domi kágad 2:25

Wati helápén mardomán pa narmi rástén ráhá sój bedant, balkén Hodá áyán móh bedant ke tawbah bekanant o rástiay zántá sar bebant,

Pa Timutáusá Pulosay domi kágad 4:2

taw Hodáay habaray járá bejan, wahd o náwahd pa jár janagá tayár bay. Mardomán hakkal kan o gón mazanén sabr o ópár o bázén sar o sójé áyáni radián rást kan o delbaddhiesh beday.