Pa Timutáusá Pulosay domi kágad 1:4 - Hodáay Pákén Ketáb Balochi zobáná

⁴ Tai arsáni tránagá ke kapán, maná pa tai didárá zahira kant ke tará begendán o galá bál bebán.

Pa Timutáusá Pulosay domi kágad 1:4 Iomraidhean Croise

Zabur 126:5

Hamá ke ars récháná kesht o keshára kanant, pa shádehi kukkár kanáná ronant.

Yuhanná 16:22

Shomá ham nun hamé dhawlá gamig ét, bale man shomárá padá gendán o á wahdi shomá gala bét o shomay wasshiá hechkas pach gepta nakant.

Yuhanná 16:24

Tán é wahdi shomá hecch chizz mani námay sará nalóthetag, belóthét tánke shomárá berasit o shomay shádmáni sarjam bebit.

Kásedáni Kár 20:19

Man ars réchán o pa békebri o darbéshi Hodáwanday hezmatkári kortag o Yahudiáni pandaláni sawabá bázén sakki o sóri saggetag.

Kásedáni Kár 20:31

Paméshká hozzhár bét o yát bekanét ke tán say sálá, man shap o róch pa shomá grétag o shomárá dháh dátag.

Pulosay kágad pa Rumián 1:11

chéá ke shomárá gendaga lóthán, tán pa shomá ruhánién thékié berasénán ke shomárá mohr o mohkam bekant,

Pa Pilipián Pulosay kágad 1:8

Hodá sháhed ent ke man shomá sajjahénán anchó dósta dárán ke Issá Masih shomárá dósta dárit o maná pa shomá sakk zahira kant.

Pa Pilipián Pulosay kágad 2:26

Chéá ke á, pa shomá sajjahénáni didárá hodónák ent. Paréshán ent ke shomá áiay nádráhiay hálá sahig butagét.

Pa Tesálunikián Pulosay awali kágad 2:17

Brátán! Má ke pa kammén wahdéá cha shomá jetá butén, bell ke dém pa dém naatén bale del wa hawár atant, delborrén zahirán márá har paymén johd parmát ke padá gón shomá dém pa dém bebén.

Pa Timutáusá Pulosay domi kágad 4:21

Zutt kan o cha zemestáná pésar watá edá sar kan. Yubulus tará salám kanagá ent, anchosh ham Pudens o Linus o Kládiá o sajjahén brát.

Pa Timutáusá Pulosay domi kágad 4:9

Zutt kan o watá pa man sar kan.

Yuhannáay Awali Kágad 1:4

Má eshiá pa shomá nebisén tánke mayshomay shádmáni purah o sarjam bebit.

Elhám 21:4

Hodá cha áyáni chammán har arséá pahka kant. Mark nun pashta nakapit o na pors o na zári o na darda bit, chéá ke pésarigén chizz gwastagant.”

Elhám 7:17

Chéá ke tahtay nyámá óshtátagén Gwarándh, esháni shepánka bit o eshán zendápay chammagáni ráhá pésha dárit o Hodá cha esháni chammán har arsá pahka kant.”