Pa Tesálunikián Pulosay domi kágad 3:3 - Hodáay Pákén Ketáb Balochi zobáná

³ Bale Hodáwand wati kawlay sará óshtátag o shomárá mohr o mohkama kant o cha sherr o Shaytáná dura dárit.

Pa Tesálunikián Pulosay domi kágad 3:3 Iomraidhean Croise

Pédáesh 48:16

hamá préshtag ke maná cha har táwáná rakkéntagi, é chokkán barkat bedayát. É mani námay sará o mani pet o pirokay námay sará bezán Ebráhém o Esákay námá zánag bátant o zeminay sará sakk báz bátant.”

Zabur 121:7

Hodáwand tará cha har badiá dura dárit, tai zenday negahpán ent,

Zabur 19:13

Wati hezmatkárá cha gorunák o porkebrén kár o kerdán bedár, mayl ke mani sará báládast bebant. Hamá wahdá tamán o béayba bán o cha har mazanén gonáhá pák.

Mattá 5:37

Paméshká ódá ke ‘haw’ gwashagi ent, begwashét ‘haw’ o ódá ke ‘enna’ gwashagi ent, begwashét ‘enna’. Cha eshiá géshter Shaytánay kár ent.

Mattá 6:13

Márá ázmáesh o chakkásá dawr maday o cha Shaytáná berakkén.’

Luká 11:4

May gonáh o radián bebaksh, anchosh ke má wati sajjahén daynkárána bakshén. Márá ázmáesh o chakkásá dawr maday.’”

Yuhanná 17:15

É dwáyá nakanán ke eshán cha donyáyá bebar, dwá kanán ke eshán cha sherr o Shaytáná dur bedár.

Pa Tesálunikián Pulosay awali kágad 5:24

Hamá Hodá ke shomárá tawára kant, wati kawlay sará óshtátag o é kárá kant.

Pa Tesálunikián Pulosay domi kágad 2:17

shomay delá dhaddh kanát o shomárá pa har sharrén kerdár o goptárá zórmand kanát.

Pa Timutáusá Pulosay domi kágad 4:18

Hodáwand maná cha har paymén sherr o badá rakkénit o maná pa salámati wati ásmáni bádsháhiá sara kant. Áiay shán o shawkat barjáh bát, abad tán abad. Anchosh bát. Ámin.

Petrosay Awal Kágad 5:10

Nun Hodá, ke sajjahén rahmatáni málek ent o shomárá cha Masihay ráhá dém pa hamá abadmánén shawkatá gwánki jatag, shomay kammén sakki o sóriay saggagá rand, shomárá nóksará twána dant, mohr o mohkama kant o páydári o zóra bakshit.

Petrosay Domi Kágad 2:9

Gorhá hamé paymá Hodáwanda zánt ke wati pahrézkárén mardomán chón cha chakkásán berakkénit o badkárán sezá bedant tán hamá wahdá ke dádrasiay róch berasit.

Yahudáay Kágad 1:24

Hamá ke shomárá cha thagal warag o kapagá mohr dáshta kant o béayb o gón mazanén shádmánié shomárá wati porshawkatén dargáhá bort o sar korta kant,