Pa Tesálunikián Pulosay domi kágad 3:16 - Hodáay Pákén Ketáb Balochi zobáná

¹⁶ Émeniay Hodáwand wat, shomárá har wahdá o har paymá émen kanát. Hodáwand shomay sajjahénáni hamráh bát.

Pa Tesálunikián Pulosay domi kágad 3:16 Iomraidhean Croise

Zabur 29:11

Hodáwand wati kawmá wák o kodrat bebakshát, Hodáwand wati kawmá gón sohl o émeni barkat bedayát.

Zabur 46:11

Lashkaráni Hodáwand gón má gón ent, Ákubay Hodá may kalát ent. Ósht...

Zabur 46:7

Lashkaráni Hodáwand gón má gón ent, Ákubay Hodá may kalát ent. Ósht...

Zabur 72:3

Kóh pa kawmá ábádi byárátant, jomp o tomp, pahrézkáriay samará.

Zabur 72:7

Áiay ahdá pahrézkár shádáb bátant, tán hamá wahdá ke máh nura dant ábádi bát.

Mattá 1:23

Neshtagén janénchokkéay láp porra bit o mardénchokkéay sará chellaga bit o áiay námá Emánuil pera bandant, ke eshiay máná “Hodá gón má” ent.

Mattá 28:20

áyán dars o sabakk bedayét ke mani sajjahén hokm o parmánáni sará kár bekanant. Deljam bebét, man tán donyáay halásiá, modám gón shomá gón án.”

Luká 2:14

“Shán o shawkat borzén arshay Hodáyá bát o zeminay sará sohl o émeni pa hamá mardomán bát ke Hodá cha áyán wassh o washnód ent.”

Yuhanná 14:27

Man shomárá émeni o ásudagia dayán. Wati émeni o ásudagiá shomárá dayán. Jaháná é wák o twán nést ke hamá émeniá shomárá bedant ke mania dayán. Matorsét o wati delá paréshán makanét.

Yuhanná 16:33

Man é chizz shomárá gwashtant ke mani barkatá shomárá émeni o ásudagi berasit. Jaháná shomárá dard o ranja rasit, bale delá dhaddh kanét, chéá ke man jahánay sará báládast butagán.”

Pulosay kágad pa Rumián 1:7

Pa Rumay hamá sajjahén mardomán ke Hodáyá dóst ant o gwánk janag butagant ke pák o palgár bebant. Cha may Hodáén Pet o Hodáwandén Issá Masihá pa shomá rahmat o émeni sar bát.

Pulosay kágad pa Rumián 15:33

Sohl o émeniay Hodá shomá sajjahénáni hamráh bát. Anchosh bát. Ámin.

Pulosay kágad pa Rumián 16:20

Sohl o émeniay Hodá, hamé zuttán Shaytáná shomay pádáni chérá hurta kant. May Hodáwand Issá Masihay rahmat shomay hamráh bát.

Pa Tesálunikián Pulosay awali kágad 3:11

Nun may Hodáén Petay jend o may Hodáwandén Issá may ráhá pach kanát ke má shomay kerrá byáén.

Pa Tesálunikián Pulosay awali kágad 5:23

Hodáay jend, émeniay Hodá shomárá sarjamiá pák o palgár bekanát. Tán may Hodáwandén Issá Masihay wátarr bayagá shomay arwáh o sáh o badan sarjamiá béayb bemánátant.

Pa Tesálunikián Pulosay domi kágad 3:18

May Hodáwandén Issá Masihay rahmat gón shomá sajjahénán gón bát.

Pa Timutáusá Pulosay domi kágad 4:22

Hodáwand gón taw gón bát. Shomárá rahmat sar bát.

Pa Pilimuná Pulosay kágad 1:25

Hodáwandén Issá Masihay rahmat gón taw gón bát.