Pa Tesálunikián Pulosay domi kágad 3:1 - Hodáay Pákén Ketáb Balochi zobáná

¹ Nun gorhá, brátán! Pa má dwá kanét ke Hodáwanday kolaw o paygám téziá sheng o tálán bebit o mardom é paygámay ezzatá bekanant, anchosh ke shomá kortag.

Pa Tesálunikián Pulosay domi kágad 3:1 Iomraidhean Croise

Zabur 138:2

Dém pa tai pákén parasteshgáhá kóndhána kapán o tai námá názénán pa tai mehr o wapádáriá ke taw wati nám o wati mohrén ahd o karár cha sajjahén chizán géshter mazani bakshátag.

Mattá 9:38

Paméshká gón kesháray wáhondá dazbandi bekanét o belóthét ke pa wati keshárán ronók dém bedant.”

Luká 10:2

gón áyán gwashti: “Keshár báz ent, bale ronók kamm. Paméshká gón kesháray wáhondá dazbandi bekanét o belóthét ke pa wati keshárán ronók dém bedant.

Kásedáni Kár 12:24

Hodáay habar o kolaw róch pa róch gésh bayán o démá rawán at.

Kásedáni Kár 19:20

É dhawlá, Hodáwanday habar gón géshterén zór o wáké sheng o tálána but.

Kásedáni Kár 6:7

É dhawlá Hodáay Pákén Habar mardománi nyámá tálán but o Urshalimá morid sakk zutt géshá cha géshter bayána butant. Bázén dini péshwáé ham é báwaray mannóger but.

Pulosay kágad pa Rumián 15:30

Oo brátán! Pa may Hodáwand Issá Masihá o pa Pákén Ruhay mehrá cha shomá dazbandia kanán ke Hodáay dargáhá pa man dwá bekanét o gón wati dwáyán mani johdán hamráh bebét.

Pa Tesálunikián Pulosay awali kágad 1:5

chéá ke may wasshén mestág hoshkén gappé naat ke shomárá sar but, zór o wák o Pákén Ruhi ham gón at o mohkamén setké ham mán ati. Shomá zánét ke má gón shomá chón atén o má pa shomá ché kort.

Pa Tesálunikián Pulosay awali kágad 1:8

Chéá ke Hodáwanday habaray tawár cha shomá sheng but, tahná Makduniah o Akáyahá na, Hodáay sará shomay báwar har jágah zánag but. Paméshká zalurat naent ke má eshiay bárawá chizzé begwashén.

Pa Tesálunikián Pulosay awali kágad 2:1

Oo brátán! Shomá wata zánét ke shomay kerrá, may áyag bépáedag naat.

Pa Tesálunikián Pulosay awali kágad 2:13

Má modám Hodáay shográ gerén ke wahdé Hodáay habar shomárá sar but, hamá habar ke shomá cha má eshkot, shomá mannet ke ensáni habaré naent, Hodái habaré o anchosh ent ham. É Hodáay habar ent ke shomay bezán báwarmandáni delán asar kanagá ent.

Pa Tesálunikián Pulosay awali kágad 4:1

Brátán! Dega gappé esh ent, má shomárá sój dátag ke wati zendá chón begwázénét ke Hodá cha shomá wassh o razá bebit o shomá anchosh kanagá ét ham. Nun Hodáwandén Issáay námá gón shomá dazbandia kanén o gwashén ke é chizzá róch pa róch géshter bekanét.

Pa Tesálunikián Pulosay awali kágad 5:17

Har wahdá dwá bekanét.

Pa Tesálunikián Pulosay awali kágad 5:25

Brátán! Pa má dwá kanét.

Pa Timutáusá Pulosay domi kágad 2:9

pa hameshiá sakki o sória saggán, tantaná chó radkárá zamzilán bastagán. Bale Hodáay habar zamzilán nabastag.