Pa Timutáusá Pulosay awali kágad 6:2 - Hodáay Pákén Ketáb Balochi zobáná

² Hamá golám ke áyáni wájah báwarmand ant, nabáyad wati wájahán é háterá kamter ezzat bedayant ke imánay bonyádá brát ant. É golám báyad ent angat géshter wati wájaháni hezmatá bekanant, chéá ke esháni hezmat dóstigén báwarmandéá páedaga dant. É chizzáni tálimá beday o gón mardomán dazbandi kan ke anchosh bekanant.

Pa Timutáusá Pulosay awali kágad 6:2 Iomraidhean Croise

Mattá 23:8

Bale maylét mardom shomárá ‘ostád’ begwashant, chéá ke shomárá tahná yakk ostádé hast o sajjahén yakdomiay brát ét.

Mattá 25:40

Bádsháh passawa dant: ‘Báwar kanét, wahdé shomá gón mani yakk kaster kasterén brátéá é paymén kár kortag, gorhá allam bezán gón manó ham kortag.’

Mattá 6:24

Hechkas pa do wájahá golámi korta nakant, yá gón yakkéá dozhmenia kant o domigi dósta bit, yá gón awaligá wapádára bit o cha á degará badia kayt. Shomá yakwahd o yakjáh Hodá o zarray golámiá korta nakanét.

Kásedáni Kár 1:15

Hamá róchán yakk róché, Petros Issáay báwarmandáni nyámá, ke kesás yakk sad o bist mardom atant, pád átk o

Pulosay kágad pa Rumián 11:17

Agan drachkay lahtén thál próshag o sendag butag o taw ke jangali zaytunay thálé ay, á dega tháláni nyámá gón drachká paywand janag butagay o nun zaytunay risshagay porzórén shiragá sharikdár ay,

Pulosay kágad pa Rumián 8:29

Hodáyá á cha péshá zántant o cha pésará anchoshi gisshéntant ke áiay Chokkay dáb o dróshomá bebant, tán á Chokk bázén brátáni awali bebit.

Pa Galátián Pulosay kágad 5:6

Chéá ke Issá Masihay ráhá sonnat bayag o nabayagay máná yakk ent, tahná hamá imáná máná hast ke cha mehray ráhá watá záhera kant.

Pa Tesálunikián Pulosay domi kágad 1:3

Oo brátán! Hakkén gapp esh ent ke má báyad ent modám pa shomá Hodáay shográ begerén, chéá ke shomay imán róch pa róch rodán ent o pa yakdomiá shomay sajjahénáni mehr ham gésh bayán ent.

Pa Timutáusá Pulosay awali kágad 4:11

É habaráni hokm o tálimá beday.

Pa Timutáusá Pulosay awali kágad 5:1

Gón kamáshén mardénéá pa trondi habar makan. Áiá anchosh nasiat bekan ke wati petá kanay, kasterén mardénán chó wati brátá,

Pa Titusá Pulosay kágad 2:1

Hamá chizzáni tálimá beday ke gón rástiá hamdap ant.

Pa Titusá Pulosay kágad 2:15

É hamá chizz ant ke taw báyad ent esháni tálimá bedayay. Gón sarjamén ehtiáré áyán delbaddhi beday o pa trondi sarpadesh kan. Mayl ke mardom tará béarzesh sarpad bebant.

Pa Titusá Pulosay kágad 3:8

É gapp rást ent o mana lóthán ke taw é tálimay sará zór bedayay, tánke hamá mardomán ke wati omét gón Hodáyá bastag, wati delgóshá gón sharrén kárán bekanant. É sharrén habar ant o pa harkasá páedagmand ant.

Petrosay Awal Kágad 5:1

Man wat ke cha kelisáay kamáshán yakké án o Masihay sakki o sóriáni sháhedé án o áiay paddar bayagién shán o shawkatá sharikdár án, shomay nyámá harché kamásh hast, cha áyán mani dazbandi esh ent ke:

Petrosay Domi Kágad 2:10

Hodáay kahr o sezá hás hamá mardománi sará kapit ke wati jesmay maháresh sell o nápákén wáhagáni tahá yalah kortag o hecch wák o kodratá namannant o mána nayárant. Haminchok tamard o porkebr ant ke cha ásmáni zórmandáni sobakk kanagá torsesh nést.

Yahudáay Kágad 1:8

Anchosh, gón é sajjahén sargwastáni zánagá, hamá mardom ke wati wábáni tahá zendag ant, wati jesm o jáná palit o gandaga kanant, ehtiárá namannant o ásmáni zórmandán sobakk o béezzata kanant.