Pa Timutáusá Pulosay awali kágad 5:8 - Hodáay Pákén Ketáb Balochi zobáná

⁸ Agan kasé wati syád o wáresáni, hás wati jenday lógay mardománi hayáldáriá makant, bezán ke áiá cha wati imáná enkár kortag o cha nábáwaréá ganter ent.

Pa Timutáusá Pulosay awali kágad 5:8 Iomraidhean Croise

Pédáesh 30:30

Cha mani áyagá pésar tará kammok hastat o nun sakk báz butagant. Har jáh ke man wati pád ér kortag, Hodáwandá tará hamódá barkat dátag. Bale man kadi pa wati jenday lógá káré bekanán?”

Mattá 18:17

Agan áyáni habari namannet, gorhá kelisáyá hál beday, bale agan kelisáay habari ham gósh nadásht, gorhá áiá nábáwaráni dhawlá bezán.

Mattá 7:11

Shomá ke radkár ét, angat wati chokkán sharrén chizzáni dayagá zánét. Gorhá shomay ásmáni Pet chinkadar shartera zánt ke wati lóthókén chokkán wasshén chizz bedant.

Yuhanná 15:22

Agan man mayátkénán o gón áyán habaron makortén, á bémayár atant. Bale nun áyán pa wati gonáhán hecch ozr o nimmóné nést.

Pa Galátián Pulosay kágad 6:10

Gorhá tán hamá wahdá ke márá móh hast, byáét gón sajjahénán sharria kanén o hás gón hamáyán ke báwarmand ant.

Pa Timutáusá Pulosay domi kágad 2:12

Agan má sakki o sórián besaggén, gón áiá bádsháhi ham kanén. Agan má áiay moridiá enkár bekanén, á ham may pajjáh áragá enkára kant.

Pa Timutáusá Pulosay domi kágad 3:5

Zaherá Hodátorsa bant bale hamá zór o wáká namannant ke áyán pa rásti Hodátorsa kant. Tará gón choshén mardomán hecch kár mabit.

Pa Titusá Pulosay kágad 1:16

É mardoma gwashant ke má Hodáyá zánén, bale áyáni kár pésha dárant ke áiá nazánant. Choshén mardom bazzhenák ant, náparmán ant o hecch sharrén káray kábel naant.

Petrosay Domi Kágad 2:1

Bale mardománi nyámá drógén nabi ham hastat, hamá dábá ke shomay nyámá drógén ostád wadia bant ke chérandari bérán kanókén báwarán rawája dayant, tantaná wati Hodáwandá ham namannant ke ái gón wati hóná bahá zortant. Á gón tézén gár o bégwáhiéá dochára kapant.

Yahudáay Kágad 1:4

Chéá ke lahtén anchén mardom chérokái shomay nyámá potertag ke wati béhodáiay sawabá cha pésará mayárig kanag butagant. Á Hodáay rahmatán tába dayant o pa wati bénangén kár o wáhagán káresha bandant o may yakk o yakdánagén Wájah o Hodáwand, Issá Masihá namannant.

Elhám 2:13

Mana zánán taw kojá jahmenend ay, hamódá ke Shaytánay taht ent, bale taw mani nám mohr dáshtag. Taw mani wapádárén sháhed, Antipásay wahdá ham mani sará báwar kanagá enkár nakort, hamá Antipás ke shomay nyámá koshag but, hamódá ke Shaytán jahmenend ent.

Elhám 3:8

Man tai kárána zánán. Bechár, man tai démá pachén darwázagé eshtag ke kassi band korta nakant, chéá ke tai zór kamm ent o angat taw mani habar mannetag o cha mani námá enkár nakortag.