Pa Timutáusá Pulosay awali kágad 5:22 - Hodáay Pákén Ketáb Balochi zobáná

²² Kaséay sará dastay ér moshag o áiá kelisáay kamásh kanagá eshtáp makan ke degaráni gonáhán sharikdára bay. Watá pák o palgár bedár.

Pa Timutáusá Pulosay awali kágad 5:22 Iomraidhean Croise

Zabur 50:18

Dozzé ke genday, démet róshena bit o gón zenákárán hamráha bay.

Kásedáni Kár 13:3

Cha róchag o dwáyá rand, á doénesh dast baddhá jat o ráh dátant.

Kásedáni Kár 18:6

Wahdé Yahudián Pulosay habar namannetant o áesh bad o rad gwasht, Pulosá wati gwaray kabáh dar kort o á shahray danz áyáni démá chandhetant o gwashti: “Man wati kár kortag. Nun shomay hón shomay wati gardená ent o man bémayár án. Cha ed o rand, Hodáay habará darkawmáni nyámá sheng o tálána kanán.”

Kásedáni Kár 20:26

Paméshká maróchi shomárá pa rásti o deljamia gwashán ke shomay hechkasay hón mani gardená naent.

Kásedáni Kár 6:6

É mardomesh kásedáni démá áwort o pésh kortant. Kásedán pa áyán dwá kort o dast baddhá jatant.

Pa Timutáusá Pulosay awali kágad 3:10

Pésará báyad ent áyáni kár chárag bebant. Agan áyáni helápá hecch dast nakapt, gorhá pa hezmatkáriá zurag bebant.

Pa Timutáusá Pulosay awali kágad 3:2

Báyad ent kelisáay kamásh anchéné bebit ke áiá mardománi malámat per mabit. Gón wati janá wapádár bebit, grán o sanginén mardomé bebit o watá dásht bekant, marháhdár o mehmánnawáz bebit o sharriá tálim dát bekant,

Pa Timutáusá Pulosay awali kágad 3:6

Kelisáay sarparast báyad ent nókbáwaré mabit, chó mabit ke gorunák bebit o hamá paymá mayárbár bebit ke Shaytán but.

Pa Timutáusá Pulosay awali kágad 4:12

Tai kasánomriay sawabá kass tará kamarzesh sarpad mabit o tai goptár o kerdár o mehr o imán o páki pa báwarmandán mesálé bebant.

Pa Timutáusá Pulosay awali kágad 4:14

Cha wati hamá ruhánién nyámatá nádelgósh mabay ke tará hamá wahdá raset ke kamásháni rombá tai sará dast ér mosht o yakkéá tará gón Pákén Ruhay elhámá é nyámatay hál dát.

Pa Timutáusá Pulosay domi kágad 1:6

Paméshká man tará tránagá géján ke Hodáay dátagén nyámatá dobar kármarz kan, hamá nyámat ke tará cha hamá wahdá gón ent ke man wati dast tai sará ér moshtant.

Pa Timutáusá Pulosay domi kágad 2:2

Harché ke man bázén sháhedéay démá gwashtag o taw eshkotag, é tálimán anchén porehtebárén mardománi sepordah bekan ke degarán tálim dát bekanant.

Yuhannáay Domi Kágad 1:11

Parchá ke é dhawlén mardoméay wasshátk kanag, gón áiay radén kárán sharikdár bayag ent.

Elhám 18:4

Randá man cha ásmáná dega tawáré eshkot, gwashagá at: “Oo mani mardomán! Cha eshiá dar áét tánke shomá eshiay gonáhán sharik mabét o eshiay azáb shomay sará makapant,