Pa Timutáusá Pulosay awali kágad 4:4 - Hodáay Pákén Ketáb Balochi zobáná

⁴ Hodáay jórh kortagén har chizz sharr ent o chizzé ke yakkéá rasit, báyad ent pa shogrgozári bezuriti o dawri madant,

Pa Timutáusá Pulosay awali kágad 4:4 Iomraidhean Croise

Pédáesh 1:31

Hodáyá wati sajjahén jórh kortagén chizz cháretant. Disti ke é kár sakk sharr but. Shap gwast o sohb but. É shashomi róch at.

Kásedáni Kár 10:15

Domi randá padá tawár átk o gwashti: “Hamá chizz ke Hodáyá pák zántagant, taw áyán sell o nápák mazán.”

Kásedáni Kár 15:29

Shomá cha botáni námá korbánig kortagén góshtá, cha hónay waragá, cha mordárén dalwatáni góshtá o cha zená o bénangiá pahréz bekanét. Cha é kárán watá dur dárag, pa shomá báz sharr ent. Wassh o salámat bátét.”

Kásedáni Kár 21:25

Bale má hamá darkawmén báwarmandáni sará nebeshtag ke may hokm áyáni bárawá ché ent. Cha botáni námá korbánig kortagén góshtá, cha hónay waragá, cha mordárén dalwatáni góshtá o cha zená o bénangiá pahréz bekanant.”

Pulosay kágad pa Rumián 14:14

Man, cha Hodáwandén Issáay némagá saddak án ke hecch waráké watáwat palit naent, bale agan kasé chizzéá pa wat palit bezánt pa áiá palit ent.

Pulosay kágad pa Rumián 14:20

Hodáay kárá pa waráká zawál makan. Pa rásti sajjahén warák pák ant, bale tai har hamá waráké pa taw bad ent ke degaréay thagal waragay sawabsáza bit.

Pulosay kágad pa Rumián 14:6

Á kas ke yakk róchéá hásén róché zánt, pa Hodáwandaygi chosha kant. Á kas ke wárt ham pa Hodáwandaygia wárt, parchá ke Hodáay shográ gipt o á kas ke cha waragá pahréza kant, pa Hodáwandaygi chosha kant o Hodáay shográ gipt.

Pa Timutáusá Pulosay awali kágad 4:3

É drógband, mardomán cha sur o árósá manah o makana kanant o lahtén warákay nawaragay hokmá dayant, hamá warák ke Hodáyá jórh kortagant ke báwarmand, bezán rástiay zánókesh pa shogrgozári bwarant.