Pa Timutáusá Pulosay awali kágad 4:10 - Hodáay Pákén Ketáb Balochi zobáná

¹⁰ Paméshká má wati wasá kár o johda kanén, chéá ke má wati omét namiránén Hodáay sará bastag. Sajjahén mardománi rakkénók hamá ent, hás hamáyáni rakkénók ent ke imána kárant.

Pa Timutáusá Pulosay awali kágad 4:10 Iomraidhean Croise

Zabur 107:2

Hodáwanday rakkéntagén habar bekanátant, hamá ke cha dozhmenáni dastá rakkéntaganti,

Zabur 118:8

Hodáay kerrá panáh zurag cha ensánay sará tawkal kanagá sharter ent.

Zabur 36:6

Tai adl o rásti borzterén kóháni dhawlá ent o ensáp, mazanén johlánkiáni. Oo Hodáwand! Taw ay ke ensán o haywánay rakkénók ay.

Zabur 37:40

Hodáwand áyán madata dant o rakkénit, cha badkáráni dastá rakkénit o nejáta dant, chiá ke áiay mayár o báhóth ant.

Zabur 52:8

Bale man zaytunay sabzén drachkéay paymá án, ke Hodáay lógá sabza bit. Mani tawkal Hodáay mehray sará ent abad tán abad.

Zabur 84:12

Oo lashkaráni Hodáwand! Bahtáwar ent hamá ke tai sará tawkala kant.

Dányál 3:28

Nebukadnezará gwasht: “Shadrak, Mishak o Abednegóay Hodáyá satá o saná bát ke áiá wati préshtagé dém dátag o wati hezmatkár rakkéntagant. Eshán wati Hodáay sará báwar o bésah at o mani hokmesh namannet. Cha wati zendá sar gwastant, bale wati jenday Hodáyá abéd, dega hodáay hezmat o sojdahá razá nabutant.

Mattá 16:16

Shamun Petrosá passaw dát: “Taw Masih ay, namiránén Hodáay Chokk.”

Mattá 27:43

Óst o ométi pa Hodá bastag, agan Hodáyá dóst ent, berakkéniti, chéá ke gwashtagati: ‘Man Hodáay Chokk án.’”

Yuhanná 1:29

Domi róchá, wahdé Yahyáyá dist ke Issá dém pa man pédák ent, gwashti: “Bechárét! Esh ent Hodáay hamá Gwarándh ke jahánay gonáhána shódit o dura kant.

Yuhanná 4:42

Gón á janéná gwashtesh: “Nun má éwaká tai habaráni sawabá báwar kanagá naén, má wat ham é marday habar eshkotagant o deljam én ke é pa rásti jahánay rakkénók ent.”

Yuhanná 5:24

Shomárá rásténa gwashán, harkas ke mani habará beshkont o mani dém dayókay sará imán byárit, abadmánén zenday wáhonda bit o hechbar mayárig kanaga nabit, bezán á cha marká gwastag o zendá sar butag.

Pa Timutáusá Pulosay awali kágad 2:3

Hamé kár sharr ant o may neját dayókén Hodáyá dósta bant,

Pa Timutáusá Pulosay awali kágad 2:4

hamá Hodá ke pa sajjahén mardomán nejátay wáhagdár ent o lóthit ke har mardom rástiá pajjáh byárit o bemannit.

Pa Timutáusá Pulosay awali kágad 2:6

Áiá pa sajjahén mardománi mókagá watá nadr kort. É gappay sháhedi wati wahdá dayag but.

Pa Timutáusá Pulosay awali kágad 3:15

agan man dér kort, taw bezánay ke Hodáay lógay mardom báyad gón yakdomiá che paymá pésh byáyant, hamá ke namiránén Hodáay kelisáay mardom ant o rástiay menok o bonyád ant.

Pa Timutáusá Pulosay awali kágad 6:17

Hamá mardom ke é donyáyá hastómand ant, áyán hokm beday ke gorunák mabét o wati ométá gón wati mál o hastiá mabandét ke mál o hastia kayt o rawt. Wati ométá Hodáay sará bebandét ke gón daspachi márá alkáp o peráwánén zendé dant.

Petrosay Awal Kágad 1:21

Cha áiay wasilahá, shomárá Hodáay sará báwar hast, hamá Hodáay sará ke Masihi cha mordagán zendag kort o shán o shawkati dát. Paméshká, shomá Hodáay sará báwara kanét o cha hamáiá ométwár ét.

Yuhannáay Awali Kágad 2:2

Á may gonáháni shódókén korbánig ent, tahná may na, sajjahén jahánay gonáháni korbánig ent.

Yuhannáay Awali Kágad 4:14

Má distag o gwáhia dayén ke Petá wati chokk rawán dátag tán jahánay rakkénók bebit.